Yoannes 10:18 - Ashiri Aeuitaknup Iyohaichish Yona 1897

¹⁸ En orowa no nei ambe uk guru isam, koroka, Kuani rengaine nei ambe ku ande ruwe ne. Nei ambe ande kuni mondum Ku koro, shui, uk kuni mondum Ku kon ruwe ne. Ku Michi orowa no tan ikashpaotte a en kore nisa ruwe ne na.

Yoannes 10:18 ပူးပေါင်းရင်းမြစ်များ

Yoannes 10:11

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Yoannes 10:15

Michi anak ne En eamkiri, Kuani anak Michi Ku eamkiri ukorachi ne na; orowa, hitsuji gusu Ku inotu Ku ande

Yoannes 10:17

Tambe gusu, Ku Michi anak ne En omap ruwe ne, shui nei ambe ku uk kuni gusu ku ande ruwe ne gusu ne.

Yoannes 14:31

koroka, Kuani anak ne Michi Ku omap sekorʼambe eraman kuni ambe ne, orowa, Michi En kashpaotte nei no Ku ki ruwe ne. Hopuni, te wano paye anro.

Yoannes 15:10

Ku omap ambe oshiketa echi okai yan. Echi utara Ku ki ikashpaotte shikkashima chiki, Ku omap ambe oshiketa echi okai kusu ne; Kuani anak Ku Michi ki ikashpaotte Ku shikkashima wa Shinuma omap ambe oshiketa Ku an korachi ne ruwe ne.

Yoannes 19:11

Otta Yesu ene ese-hi :— Kik orowa no e koropare shomoki yak anak ne En epeka no mondum e koro shomoki kusu ne ruwe ne: tambe gusu, e otta En ekoshi gurʼanak ne naa poro katpak an, sekoro itak.

Yoannes 5:26

Inambe gusu ne yakun, Michi anak ne yaikota yaioshiketa inotu koro korachi, tambe nei no Poho ne yakka yaikota yaioshiketa inotu koro kuni otta Shinuma kore nisa ruwe ne:

Yoannes 5:30

Kuani anak ne yaikota nep ne yakka ki eaikap: Ku nu korachi ku koipishi ruwe ne: Ku koipishi-i anak ne oupeka ambe ne ruwe ne; Kuani yaikota koro irenga hunara shomoki, En omandep koro irenga Ku hunara ruwe ne gusu ne na.

Yoannes 6:38

Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.

Apostoro ikip oma kambi 2:24

wa raigere nisa ruwe ne: Kamui anak ne rai gusu an nuwapbe pita chiki Shinuma hetopo-shiknure nisa: inambe gusu ne yakun, nei ambe ani Shinuma ashikkashima eaikapbe ne ruwe ne.

Apostoro ikip oma kambi 2:32

Kamui anak ne tan Yesu hetopo-shiknure nisa, nei ambe gusu paweteshu ki utara chi ne ruwe ne.

Apostoro ikip oma kambi 3:15

Kamui anak ne rai orowa no Shinuma hetopo-shiknure, aine, chi utara anak ne Shinuma gusu an paweteshu ki utara chi ne ruwe ne.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 2:9

Koroka, Kamui irenga ankushkeraipo pishno pishno okai ainu shirihine hauturumbe kasu no pon no pokashnu no akara hine rai ambe sapke wa, rai-i oma aeyairamshitnere ambe gusu araguru newa aeoripakbe ani sapa aunure Yesu chi nukara ash ruwe ne.