Yoannes 10:16 - Ashiri Aeuitaknup Iyohaichish Yona 1897

¹⁶ ruwe ne. Tan hitsuji topaha gusu an ekashi shomo tura an moshima okai hitsuji Ku koro: nei ambe ne yakka Ku ani kusu ne ap, orowa, nei ambe Ku hawe nu kusu ne na; aige, shine topaha, shine reshpa guru an kusu ne na.

Yoannes 10:16 ပူးပေါင်းရင်းမြစ်များ

Iyohaichish 86:9

Aa Utarapa, Aokai kara obitta no okai moshiri uirup anak ne araki wa E ko-ongami kusu ne; Aige, E kon reihei koiramye kusu ne na.

Mattaios 17:5

Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.

Roukos 15:8

Shui, inan shiwentep anak ne drakma wanbe koro wa nei shinep turainu chiki, ratchako uhuika wa so nunuye hine pa pakno irammakaka hunara shomoki ya?

Yoannes 10:11

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Yoannes 10:2

Koroka, apa kari ahun guru anak ne hitsuji koro reshpa guru ne.

Yoannes 10:27

Ku koro hitsuji anak ne Ku hawe nu, samata, Kuani anak ne nei ambe eamkiri, nei ambe anak En eamkiri wa En osh araki:

Yoannes 10:3

Apa pungi Shinuma gusu apa maka; orowa, hitsuji anak ne Shinuma koro hawe nu: samata, Shinuma yaikota koro hitsuji areikore an reihei ani hotuyekara wa soyumba wa tura ruwe ne.

Yoannes 10:4

Shinuma anak ne obitta no yaikota korobe soyumbare chiki, nei kotchaketa oman wa hitsuji nei osh paye ruwe ne: koro hawe kiri ruwe ne gusu ne na.

Yoannes 10:5

Nei hitsuji anak ne oya guru oshi paye shomoki, koroka, orowa no kira ruwe ne: oya utara koro hawe kiri shomoki ruwe ne gusu ne na.

Yoannes 11:52

nei utara shirihine patek shomo ne, moshiri kata chichari wa okai Kamui poho utara shineanda uwekarapare kuni gusu ne na.

Yoannes 17:20

Tan utara gusu patek Ku koramkoro shomoki ruwe ne, koroka, nei utara ki itak gusu En eishokoro utara gusu ne yakka Ku koramkoro;

Yoannes 6:37

Nep ne yakka Michi En korep anak ne obitta En otta araki kusu ne ruwe ne; orowa, En orun ek guru anak ne oara Ku emaka shomoki kusu ne.

Apostoro ikip oma kambi 15:14

Kamui anak ne hoshiki no Oya uirup orota ek wa yaikota kon reihei gusu nei utara tumuge wano utara uk kuni orushpe Simeon un nure nisa ruwe ne.

Apostoro ikip oma kambi 18:10

Kuani anak ne e tura no an, orowa, e iwende gusu inan guru ne yakka shomo e kopiuki kusu ne: tan machiya ta inne utara ku koro ikiri an ruwe ne gusu ne na, sekoro itak.

Apostoro ikip oma kambi 22:14

Orowa, shinuma ene itak-hi :— Chikoro ekashi koro Kamui anak ne koro irenga e eraman hemhem ki, nei oupeka ambe nukara hemhem ki, koro paro wano itak hawe nu hemhem a ki kuni ne esanniyo nisa ruwe ne.

Roma 11:25

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

II Tessaronike 2:13

Koroka, Utarapa orowa no aomap an iriwak utara, atpake wano Kamui anak ne Ramat ashkannere ambe newa sonep eishokoro ambe otta echi numge wa kashiobiuki gusu, ramma-kane echi utara gusu Kamui koyaiiraige kunip chi ne ruwe ne;

Hebraios 13:20

Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,

I Petros 2:10

etokota anak ne uirup utara shomo echi ne, koroka, tane anak Kamui utara echi ne ruwe ne: etokota anak erampokiwen wa akore shomoki, koroka, tane aerampokiwen wa okai na.

I Petros 2:25

Hitsuji chikoikip korachi echi ru turainu shiriki wa okai, awa, tane echi kon ramat anak ne koro shiure guru ne echi epungine guru otta hoshipi wa an ruwe ne na.

I Petros 5:4

Orowa, nei esapane reshpa guru anukara ita echi utara anak ne nin shomoki nupeki oma sapa umbe echi akore an kusu ne na.

Ekambakbe 3:20

opopmau keutum koro wa yaikokatpak yan. Ingarʼan, nei apa samta Ku ash kane kikkik shiri an: inan guru ne yakka Ku hawe nu wa apa maka chiki, otta Ku ahun hine shinuma tura no Ku ibe, orowa, shinuma ka en tura no ibe kusu ne.