Yoannes 10:11 - Ashiri Aeuitaknup Iyohaichish Yona 1897

¹¹ Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Yoannes 10:11 ပူးပေါင်းရင်းမြစ်များ

Iyohaichish 23:1

EHOBA anak ne en resu Kamui ne; nepka en eikohaye ambe isam kusu ne.

Iyohaichish 80:1

AA Israeru reshpa guru, nu yan, Aokai anak ne hitsuji topaha nei Yosep ani ruwe ne; Kerubim uturuta oshiroma Kamui, pekere atte wa un kore.

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Yoannes 10:2

Koroka, apa kari ahun guru anak ne hitsuji koro reshpa guru ne.

Yoannes 15:13

Ainu anak ne ikatairotki guru gusu yaikota kon ramat ande ambe kasu no naa poro omap ambe isama.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 13:20

Orosama, nei hitsuji chikoikip koro pase epungine guru ne Yesu Kiristo, otusashuishiri pakno an aeuitaknup gusu an kemihi ankushkerai, rai-i orowa no hetopo-shiknure irenga koro Kamui anak ne,

I Petros 5:4

Orowa, nei esapane reshpa guru anukara ita echi utara anak ne nin shomoki nupeki oma sapa umbe echi akore an kusu ne na.

I Yoannes 3:16

Shinuma anak ne un gusu koro inotu ande-hi gusu, tambe gusu omap ambe chi eraman; chi utara ne yakka iriwak utara gusu koro inotu ande kusu ne ap ruwe ne.

Ekambakbe 7:17

inambe gusu ne yakun, nei amset oshiketa an Pon-hitsuji anak ne nei utara epungine kusu ne, aige, inotu oma wakka purupuruge-i tura wa ani kusu ne: orowa Kamui anak ne obitta no okai nupe nei utara koro shiki wano piruba wa isamka kusu ne na.