Yoannes 10:10 - Ashiri Aeuitaknup Iyohaichish Yona 1897

¹⁰ Ikka hemhem ki, ronnu hemhem ki, isamka hemhem ki kuni gusu moshima ikka guru anak ne ek shomoki ruwe ne; Ku ek ikkewehe anak ne echi utara inotu koro, nuye an no echi koro kuni gusu ne ruwe ne na.

Yoannes 10:10 ပူးပေါင်းရင်းမြစ်များ

Mattaios 18:10

Tap pon utara tumuge un shinen ka iteki etunne:

Mattaios 18:11

inambe gusu ne yakun, echi otta Ku ye, nei utara koro hauturunbe anak ne hembara ne yakka kando otta an Ku Michi nanuhu nukan ruwe ne.

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Mattaios 21:13

aige, utara otta ene itak-hi :— Ku kora kenru anak ne inonno-itak kuni chisei ani aye kusu ne, sekorʼan itak anuye wa an, koroka, echi utara anak ne nei kenru ani ikka guru chisei ne kan nisa ruwe ne, sekoro itak.

Mattaios 23:13

Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, utara gusu Kando moshiri echi koapashi: echi utara yaikota ahup shomoki,

Markos 11:17

Orowa, Shinuma epakashnu wa utara otta ene itak-hi :— Ku kot chisei anak ne ingi-moshirʼun utara gusu an inonno-itak chisei ne aporose kusu ne, sekorʼambe chieshinnuye wa an shomoki ruwe he an? Koroka, echi utara anak ne ikka utara chisei ne kan nisa ruwe ne na, ari itak.

Roukos 19:10

Inambe gusu ne yakun, Ainu Poho anak ne aturainu wa okai utara hunara wa kashiobiuki kuni gusu ek nisa ruwe ne gusu ne na.

Yoannes 10:1

Son no, son no, echi otta Ku ye, hitsuji topa gusu an ekashi otta apa kari ahun shomoki no, oya ru kari ta yan gurʼanak ne, shinuma anak ikka guru ne, niwen no iki ikka guru ne ruwe ne.

Yoannes 10:11

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Yoannes 12:47

Orowa, Ku ye orushpe nu wa nei ambe shikkashima shomoki guru an chiki, Kuani anak shinuma koipishi shomoki: inambe gusu ne yakun, moshiri koipishi gusu Ku ek ka shomo ne, moshiri kashiobiuki gusu Ku ek ruwe ne.

Yoannes 12:6

Nei guru anak ne irapokkari utara ramu-ehahge gusu tambe ye shomoki, koroka, shinuma ikka guru ne, orowa, shuop koro wa nei oshiketa aomare okaibe ani wa oman nisa ruwe ne.

Yoannes 3:17

Moshiri koipishi gusu Kamui anak ne koro Poho moshirʼotta omande shomoki, koroka, Shinuma orowa no moshiri kashi-a-obiuki kuni ne aomande nisa ruwe ne gusu ne na.

Yoannes 5:40

orowa, inotu echi koro kuni gusu En orun echi araki shomoki ruwe ne.

Yoannes 6:33

Inambe gusu ne yakun, Kamui aep anak ne Kando wano ran wa moshiri otta inotu kore ambe ne ruwe ne gusu ne na, sekoro itak.

Yoannes 6:51

Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

Roma 2:21

tambe gusu moshima an guru epakashnu guru, aokai yaikota yaiepakashnu shomoki ruwe he an? Iteki ikka yan ari an itak ani upaskuma ki guru,

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

Hebraios 6:17

Tambe otta, Kamui anak ne aeitakamkirep eikeshkoro utara orota koro esanniyop shomo aitasare ambe naa eitasa no nukare kuni ne, shiyuppa no an itak ani iyuturu omare nisa ruwe ne:

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.