Yoannes 1:42 - Ashiri Aeuitaknup Iyohaichish Yona 1897

⁴² Orowa, shinuma Yesu otta atura wa ek. Yesu shinuma nukara wa ene itak-hi :— Yoannes poho Simon e ne ruwe ne: eani Kepas ani aye kusu ne (tan itak eipakita ne yakun “Shuma” ani an itak ani ibehe kon ruwe ne).

Yoannes 1:42 ပူးပေါင်းရင်းမြစ်များ

Mattaios 10:2

Orowa nei tun ikashima wan koikara utara reihei anak ne tambe ne ruwe ne: Hoshiki, Petros ari an reihei koro Simon newa koro iriwak Andreas an; Zebedaios poho Yakob newa koro iriwak ne Yoannes an;

Markos 3:16

orowa, Simon anak ne Petros ani reikore:

Roukos 5:8

Tata otta, Simon Petros tap ambe nukara chiki Yesu koro kokka samaketa hepokiki wa ene itak-hi — Aa Utarapa, chikokatpak guru ku ne ruwe ne gusu, en orowa no oyakta oman wa en kore, sekoro itak.

Roukos 6:14

Petros ani areikore Simon newa koro ainu iriwak Andreas an;

Yoannes 13:18

Obitta no okai echi utara epeka no Ku ye shomoki: Kuani Ku numge guru Ku eraman: koroka, Kamui nuye itak auweomare kuni gusu, Ku goro aep ibe guru anak ne En epeka koro keshup puni nisa ruwe ne.

Yoannes 21:2

Simon Petros hemhem, Didimos ani aye Tomas hemhem, Gariraya moshiri ta Kana kotan un Natanaeru hemhem, Zebedee koro poho utara hemhem, naa moshima okai tu koikara utara hemhem shineanda okai nisa ruwe ne.

Yoannes 4:16

Orota, e oman wa e hoku hotuyekara hine eteun araki yan.

I Korintos 1:12

Tan ikkewehe an na, pishno pishno echi ye hawe ene ani :— Kuani anak ne Pauros otta an; kuani anak Aporros otta an; Kuani anak ne Kepas otta an; kuani anak ne Kiristo otta an, ari an itak ani echi ye ruwe ne.

I Korintos 15:5

awa, Kepas otta yainukara; okaketa, nei tu niu ikashima wa niu otta hemhem;

I Korintos 3:22

Pauros hene, Aporros hene, Kepas hene, moshiri hene, inotu hene, rai ambe hene, tane an okaibe hene, ek kushki okaibe hene, obitta no okaibe echi korobe ne;

I Korintos 9:5

Samata, moshima okai apostoro utara iki korachi, Utarapa koro iriwak utara iki korachi, shui Kepas iki korachi eishokoro wa okai machihi ekeshne ani wa apkash kuni rengaine an mondum shomo chikon ruwe he an?

Garatea 1:18

Orowa, re pa okaketa Kepas hotanukara gusu Yerusarem kotan ta ku hemesu wa ashikne to ikashima wan to uturu shinuma tura ku riya nisa ruwe ne.

Garatea 2:11

Koroka, Kepas anak ne Antiok kotan ta ek ita, shinuma akokatpakte kuni guru ne wa gusu kuani shinuma kopao nisa ruwe ne.

Garatea 2:9

orowa, en orun koropare an irenga nei utara nukara chiki, ikushpe ne aesanniyo wa an Yakob newa Kepas newa Yoannes anak ne iriwak ne kuni shimon tekehe en otta newa Barnabas otta koropare nisa ruwe ne, tambe anak nei utara okarituye buri akire utara otta paye, orowa, chi utara anak ne Oya utara otta paye ash kuni gusu an ambe ne: