Yoannes 1:38 - Ashiri Aeuitaknup Iyohaichish Yona 1897

³⁸ Orowa, Yesu hosari wa nei utara osh araki shiri nukara wa orota ene itak-hi :— Hemanda echi hunara ya? Orota nei utara ene itak-hi :— Rabbi (tan itak iporose an katu “epakashnu guru” ani an iporose ne), neita Aokai oshiroma ruwe he an?

Yoannes 1:38 ပူးပေါင်းရင်းမြစ်များ

Iyohaichish 27:4

Ehoba otta ku koramkorope shinep an, nei ambe ku hunara kusu ne; Kuani rai pakno Ehoba kora kenru ta ku oshiroma wa, Shinuma koro aekiroro ambe ku nukara, wa kora kenru ta uwepekennu ku ki kuni ambe ne.

Roukos 10:39

Nei shiwentep otta Maria ani an reihei koro turesh-mat an ruwe ne, shinuma anak ne Utarapa koro chikiri samaketa a wa koro itak nu koro an nisa ruwe ne.

Roukos 14:25

Orowa, inne topaha utara Shinuma tura no paye:

Roukos 15:20

Orowa, shinuma hopuni wa koro michi orun ek nisa ruwe ne. Korota, naa ehangeko no an ita, koro michi anak ne shinuma nukara, aige, erampoken kashpa hine hoyupu wa rekuchi ruiruye wa chopchopse-kara ruwe ne.

Roukos 19:5

Orowa, Yesu nei ushike un ek chiki hepuni ingara hine shinuma otta ene itak-hi :— Zakkeos, tunashi no ran; tanto e kot chisei ta Ku reushi kusu ne na, ari itak.

Roukos 22:61

Orowa, Utarapa hosari wa Petros orun ingara. Awa, Petros anak ne — Tanto, niwatori chikap hau koro etokota, eani re shuine En eshina kusu ne, ani an itak ani orota Utarapa ye itak eshkarun nisa ruwe ne.

Roukos 8:38

Koroka, orowa no nitne kamui oaship ainu anak ne Shinuma tura no oman kuni koramkoro; koroka Shinuma nei guru omande wa ene itak-hi :—

Yoannes 1:37

Nei tu koikara utara Shinuma ye itak nu wa Yesu osh paye nisa ruwe ne.

Yoannes 1:39

Orota Shinuma ene ye-hi :— Araki wa ingara yan. Tambe gusu, nei utara araki wa Shinuma oshiroma ushike nukara; pakihi anak wan ikinne no an pakihi hi ne ruwe ne gusu nei toho ta Shinuma tura no reushi nisa ruwe ne.

Yoannes 1:49

Orota Natanaeru ene ese-hi :— Rabbi, Aokai anak ne Kamui Poho E ne ruwe ne, Israeru un utara Shikkashima guru E ne ruwe ne, sekoro itak.

Yoannes 12:21

anak ne Gariraya moshiri ta an Betsaida kotan un Piripos otta araki hine nu wa ene itak-hi :—

Yoannes 18:4

Tambe gusu, Yesu anak ne yai otta hetuku kusu ne obitta no okaibe eraman hine nei utara otta oman wa orota ene itak-hi :— Inan guru echi hunara ya? ari itak.

Yoannes 18:7

Tambe gusu, shui, nei utara otta, — Inan guru echi hunara ya? ari Shinuma nu. Orota, Nazaret kotan un Yesu ne, sekoro nei utara ye nisa ruwe ne.

Yoannes 3:2

shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.

Yoannes 3:26

Aige, nei utara Yoannes orota araki wa ene itak-hi :— Rabbi, gusu aokai paweteshu Yorodan pet kushta an guru anak ne baptisma kore korʼan wa utara obitta Shinuma otta paye ruwe ne, ari itak.

Yoannes 4:31

Nei rapoketa Shinuma koikara utara onishnishi wa ene itak-hi :—

Yoannes 6:25

Orowa, atui ikushketa Shinuma an shiri nei utara nukara chiki, orota ene itak-hi :— Rabbi hembara ta teda E ek ruwe?

Apostoro ikip oma kambi 10:21

Orowa, Petros nei utara otta san wa ene itak-hi :— Ingarʼan, echi hunara guru ku ne ruwe ne: nep gusu echi araki ruwe? ari itak.

Apostoro ikip oma kambi 10:29

tambe gusu, kuani ne yakka ahotuyekara chiki, tasa itak shomo sange no ek nisa ruwe ne. Tambe gusu, hemanda gusu echi en hotuyekara gusu utara teshkara nisa ruwe he an? ku nu rusui ruwe ne.