Yoannes 1:3 - Ashiri Aeuitaknup Iyohaichish Yona 1897

³ Obitta no an okaibe anak ne nei Itak orowa no akara, orowa, akarape shinep ne yakka Shinuma isama no

Yoannes 1:3 ပူးပေါင်းရင်းမြစ်များ

Iyohaichish 102:25

Fushkotoita Aokai anak ne moshiri asamaha ande nisa; Orowa, kando ne yakka E tekehe karape ne ruwe ne.

Iyohaichish 33:6

Ehoba koro itak gusu kando akan nisa; Kando un topaha obitta Shinuma koro paroho oma ramat ani akan nisa ruwe ne na.

Yoannes 1:10

Shinuma moshiri kata an, awa, moshiri anak ne Shinuma ani akara, orowa, moshiri anak Shinuma shomo eamkiri nisa ruwe ne.

Yoannes 1:2

Nei Itak anak ne atpaketa Kamui tura no an nisa ruwe ne.

I Korintos 8:6

Kamui inne Utarapa inne ne korachi; yakka, chi utara gusu anak, Shine Kamui an, Shinuma Michi ne, Shinuma gusu obitta no okaibe okai, orowa chi utara anak ne Shinuma oshiketa okai ruwe ne; samata, Shine Utarapa an, Yesu Kiristo ne ruwe ne, Shinuma ankushkerai nep ne yakka okai, orowa chi utara anak ne Shinuma ankushkerai okai ruwe ne.

Epesos 3:9

samata, obitta no okai ikiri wano nep ne yakka kara Kamui oshiketa mukke wa an asbikkashimarep obitta no okai utara otta nure kuni irenga a en koropare nisa ruwe ne;

Hebraios 11:3

otta paweteshu ambe aki nisa ruwe ne. Moshiri anak ne Kamui itak ani akara an sekoro eishokor-i gusu chi eraman, tambe gusu anukarabe anak ne hetuku an okaibe orowa no shomo akan na.

I Yoannes 5:1

Nen ne yakka Yesu anak ne Kiristo ne ari an ambe eishokoro gurʼanak ne Kamui orowa no hekatu ruwe ne; shui, hekaturep omap gurʼanak ne Shinuma gusu hekatup ne yakka omap ruwe ne.

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi:

Ekambakbe 4:11

Chikoro Utarapa ne chikoro Kamui, Aokai anak ne iramyep hemhem, aeoripak-hi hemhem, kiroro hemhem koro kuni oupak Kamui E ne ruwe ne: Aokai anak ne obitta no okaibe ne yakka kara, E korʼirenga gusu nei okaibe an wa akan nisa ruwe ne gusu ne na, sekoro itak.