Yoannes 1:29 - Ashiri Aeuitaknup Iyohaichish Yona 1897

²⁹ Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Yoannes 1:29 ပူးပေါင်းရင်းမြစ်များ

Mattaios 1:21

Nei shiwentep anak ne okkai po hekature kusu ne na; orowa, Shinuma anak ne koro utara koro katpak isamka kuni gusu ne aiai ne gusu, Yesu ani an reihei ani kore yan, sekoro itak.

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Yoannes 1:35

Shui nei shimge toho ta Yoannes anak ne koro koikara utara tun tura no ash korʼan,

Yoannes 1:36

awa, Yesu apkash shiri nukara, orowa, — Ingarʼan, Kamui Ponhitsuji; ari an itak ani itak.

Yoannes 1:43

Nei shimge toho ta Gariraya moshiri ta oman kuni esanniyo ruwe ne,

Yoannes 2:1

Orowa, Gariraya moshirʼun Kana kotan ta rereko ikinne no an toho ta aukore-i an; awa, Yesu koro habo ne yakka nei ita an ruwe ne; samata,

Yoannes 3:16

Inambe gusu ne yakun, Kamui anak ne koro Shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.

Yoannes 4:42

aige, nei shiwentep otta ene hawe okai-hi :— Tane anak ne e ye itak gusu chi eishokoro shomoki: chi utara yaikota chi nu wa son no newa tambe anak ne moshiri kashiobiuki kunip ne sekoro chi eramʼan ruwe ne gusu ne na, ani itak.

Yoannes 6:51

Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

Apostoro ikip oma kambi 13:39

Mose sange tuitak ani echi utara aoupekare eaikap obitta no okaibe gusu nen ne yakka eishokoro ki guru anak ne Shinuma ani aoupekare ruwe ne.

Apostoro ikip oma kambi 8:32

Kamui kambi kata orooitak korʼan ushike anak ne tambe ne ruwe ne :— Araige kuni hitsuji korachi Shinuma atura nisa; Orowa, pon hitsuji anak ne ari amemke kuni notakop kotchaketa mo no an korachi, Tambe nei no Shinuma ne yakka koro paro shomo hasa nisa ruwe ne:

I Korintos 15:3

Echi utara otta iyotta hoshiki no ku sangep anak, Kamui kambi-sosh kata chieshinnuye wa an korachi, Kiristo anak ne chikoro katpak gusu rai wa iyurui orota aomare;

II Korintos 5:21

Chikokatpak eramushkare guru anak ne chi utara gusu akokatpakbe ne akara; tambe anak ne chi utara shinuma oshiketa Kamui oupeka ambe ne akara kuni gusu ne na.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Garatea 3:13

nei ambe otta ishu kusu ne. Kiristo anak ne un gusu aiyoitakushi ambe ne akara gusu, tuitak gusu an iyoitakushi ambe orowa no un kikiraye nisa ruwe ne: inambe gusu ne yakun, ene chieshinnuye wa an :— Chikuni kata aeokte obitta no okai utara pishno aiyoitakushi an na — sekorʼan itak anuye wa an ruwe

I Timoteos 2:6

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 1:3

Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

Hebraios 2:17

Tambe gusu, Shinuma anak ne nep ne yakka gusu koro iriwak utara nei no akara kuni oupakbe ne; tambe anak Shinuma utara koro katpak gusu imommuye kara kuni ne erampokiwen wa kore ikipniukesh Kamui korope gusu yaisbieiwangere esapane guru ne kuni gusu an ambe ne ruwe ne.

Hebraios 9:28

tap korachi Kiristo ne yakka inne utara koro katpak sei gusu arashui no ayange, awa, Shinuma katpak sei shomoki no echipachipa wa okai utara otta kanna-shui anukare hine kashiobiuki kusu ne na.

I Petros 1:19

koroka, turu-sak no echi-sak no an pon hitsuji korachi an Kiristo koro nupuru kem ani poka echi kikiaraye an na:

I Petros 2:24

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,

I Yoannes 2:2

Shinuma anak ne chikoro katpak gusu an imommuyep ne ruwe ne; ouse chikoro katpak gusu patek shomo ne, koroka, ingi-nroshiri gusu an ap gusu ne yakka ne ruwe ne na.

I Yoannes 3:5

Orowa, Shinuma anak ne katpak sei kuni gusu anukan nisa ruwe ne sekoro echi eraman; orowa, Shinuma oshiketa katpak isam ruwe ne.

I Yoannes 4:10

Chi utara anak ne Kamui omap nisa ruwe ne a gusu shomo ne, koroka, Shinuma un omap wa chikoro chikokatpak imommuye kuni gusu koro Poho ette ari an ambe otta, tata otta omap-hi an.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 14:1

Orowa, ku nukara, awa, ingarʼan, Zion nupuri kata nei Pon-hitsuji ash shiriki, orowa, koro keputuru ta Shinuma kon reihei hemhem, koro Michi kon reihei hemhem anuye wa an ju-shi-man nin ne ainu ikashi-ma shi-sen nin ne ainu Shinuma tura roshki wa okai shiri.

Ekambakbe 14:10

nei guru anak chiukopoye shomoki no etoko-a-oiki wa an okere Shinuma irushka ambe oma itangi, Kamui kinrakarape oma tonoto iku ne yakka iki kusu ne; orowa, ashkanne hauturumbe shik-samata newa nei Pon-hitsuji shik-samata newa abe newa iwau ani apanakte kusu ne:

Ekambakbe 14:4

Tan okai utara anak ne shiwentep tura shomo yaituru-ushte ruwe ne: shiwentep eramushkare utara ne ruwe ne gusu ne na. Tan utara anak nei Pon-hitsuji inanta oman yakka nei osh paye utara ne. Tan utara anak Kamui gusu hemhem, Pon-hitsuji gusu hemhem, aro hoshiki no okai kunip ne kuni gusu ainu tumuge orowa no ahok utara ne ruwe ne.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.

Ekambakbe 19:7

Nupetne wa shiri yainuchattek yanro, Shinuma pasere yanro: nei Pon-hitsuji mat-akore kuni pakihi ek an wa akore kuni machihi yaietokooikire an ruwe ne gusu ne na.

Ekambakbe 19:9

Orowa, shinuma en orun ene itak-hi :— Nei a Pon-hitsuji mat-akore gusu an iwai otta iyahupte utara anak ne shinnunuke ne, ari nuye yan, sekoro itak. Orowa en orota ene itak-hi :— Tap itak anak ne Kamui sonep ne an itak ne ruwe ne.

Ekambakbe 21:14

Orowa, nei machiya koro ekashi otta tu ikashima wan asamaha okai, aige, kashita nei Pon-hitsuji koro Apostoro tu ikashima wan reihei an ruwe ne na.

Ekambakbe 21:27

orowa, nep ne yakka turu-ushbe hene, nep ne yakka aetunne ambe newa shunge newa karape hene, oara nei ushiketa ahun shomoki kusu ne: koroka, ouse nei Pon-hitsuji koro inotu oma kambi-sosh kata chieshinnuye wa an utara patek ahup kusu ne na.

Ekambakbe 21:9

Orowa, iyotta okake an nei arawan shirikikbe o arawan domburi koro hauturumbe un shinen anak ne en orun ek wa ukoitak hine ene itak-hi :— Eteun ek yan, yakun, nei Pon-hitsuji koro machi ne a akore kuni shiwentep e nukare ash kusu ne, ari itak. Aige,

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.

Ekambakbe 5:8

Aige, Shinuma nei a kambi-sosh uk okere chiki, nei ine shiknu okaibe newa nei inen ikashima wa niu ne ekashi anak ne pishno range shine koto hemhem, Ashkanne utara koro inonno-itak ne senko ani aeshik wa an kongani domburi hemhem koro wa, nei Pon-hitsuji kotchaketa hachiripa nisa ruwe ne.

Ekambakbe 6:1

Orowa, Pon-hitsuji chikoikip anak ne nei arawan han oma shine han shirosh maka ambe ku nukara, awa, nei ita ine shiknu okaibe un shinep anak kamui-hum nepkoro an hawe ani — Ek yan — ani an itak ani itak katu ku inu nisa.

Ekambakbe 6:16

aine, nupuri newa watara otta ene itak-hi :— Un kashiketa hachiripa hine nei amset kata rokbe otta hemhem nei Pon-hitsuji iki kinrakarape otta hemhem un nuina wa un kore:

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.

Ekambakbe 7:17

inambe gusu ne yakun, nei amset oshiketa an Pon-hitsuji anak ne nei utara epungine kusu ne, aige, inotu oma wakka purupuruge-i tura wa ani kusu ne: orowa Kamui anak ne obitta no okai nupe nei utara koro shiki wano piruba wa isamka kusu ne na.