Yoannes 1:18 - Ashiri Aeuitaknup Iyohaichish Yona 1897

¹⁸ Hembara ne yakka Kamui nukan nisa guru isam, Michi upshoro ta an Shinen ne poho anak ne, Shinuma anak Kamui pita nisa ruwe ne.

Yoannes 1:18 ပူးပေါင်းရင်းမြစ်များ

Mattaios 11:27

Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.

Roukos 10:22

Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 12:41

Isaya anak ne Shinuma koro arakuru nukara gusu tan okaibe ye nisa ruwe ne: orowa, Shinuma gusu itak ki nisa ruwe ne na.

Yoannes 13:23

Aige, Yesu omap shiri an koro koikara guru shinen anak ne Yesu upshoro ta ekopash wa an.

Yoannes 14:9

Orota Yesu ene itak-hi :— Tap ohonno echi tura no Ku an wa eani En eamkiri shomoki ya? En nukara guru anak ne Michi nukan nisa ruwe ne; Michi un nukare, sekoro hemanda e ye ya?

Yoannes 17:26

orowa, nei utara otta E reihei Ku eramande, orowa naa eramande kusu ne na, ani Aokai En omap omap-ambe anak nei utara oshiketa an, orowa, Kuani nei utara oshiketa Ku an kuni gusu ne na.

Yoannes 17:6

Moshiri orowa no En otta Aokai koropare utara otta E kon reihei Ku eramande nisa ruwe ne: nei utara E korope ne, awa, Aokai anak ne En kore nisa ruwe ne: orowa nei utara E koro itak shikkashima nisa ruwe ne na.

Yoannes 3:11

Son no, son no e otta Ku ye, chi utara anak ne aeramu ambe ye, orowa, yaikota nukarape gusu paweteshu ki ruwe ne, yakka, chi ye paweteshu-i echi nu shomoki ruwe ne.

Yoannes 6:46

Kamui orowa no ek guru moshima nen ne yakka Michi nukan nisa guru isam, Shinuma anak ne Michi nukan nisa ruwe ne.

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

Korosai 1:15

Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,

I Timoteos 1:17

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

I Timoteos 6:16

Shinuma patek shomo rai-ambe koro hine otta karange no arapa eaikap shiripekere ta oshiroma ruwe ne; inan guru ne yakka naa shomo Shinuma nukara, samata, Shinuma nukara eaikap ruwe ne; Shinuma orun otusashuishiri wano otusashuishiri pakno an aainukorobe newa kiroro an na. Amen.

I Yoannes 4:12

Hembarata ne yakka Kamui nukara ainu isam: chi utara utashpa uweomap ki chiki, Kamui un oshiketa riya ruwe ne, orowa, un oshiketa Shinuma omap-hi aeramushinne an ruwe ne;

I Yoannes 4:20

Koro iriwak etunne wa Kamui ku omap ari ye guru an chiki anak ne, shunge itak ki gunʼne: inambe gusu ne yakun, nukara a-hi iriwak shomo ko-omap chiki, shomo nukara Kamui omap eaikap ruwe ne gusu ne na.

I Yoannes 4:9

Shinuma rengap gusu chi utara ishu kuni ne Kamui anak ne yaikota koro Shinen ne Poho moshirʼotta sange nisa ruwe ne gusu, tambe ani chi utara gusu Kamui omap ambe anukare nisa ruwe ne na.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.