Yoannes 1:16 - Ashiri Aeuitaknup Iyohaichish Yona 1897

¹⁶ Shinuma aeshik-i wano chi obitta uina, irenga gusu irenga uina ash nisa ruwe ne.

Yoannes 1:16 ပူးပေါင်းရင်းမြစ်များ

Iyohaichish 84:7

Kiroro wano kiroro pakno nei utara paye, Pishno pishno Zion otta an Kamui kotchaketa araki ruwe ne.

Mattaios 13:12

Inambe gusu ne yakun, nen ne yakka koro guru otta akore wa nuye an no shinuma koro kusu ne; koroka, nen ne yakka koro shomoki gurʼanak ne, koro wa an ambe ne yakka auk kusu ne gusu ne na.

Mattaios 3:11

Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na:

Mattaios 3:14

Koroka, Yoannes anak ne Yesu etokotuye kuni aramu hine ene itak-hi :— Aokai orowa no kuani baptisma a en kore kunip ne awa, en otta Aokai ek ya? sekoro itak.

Roukos 21:15

Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.

Yoannes 3:34

Inambe gusu ne yakun, Kamui orowa no aomande gurʼanak ne Kamui itak ye: Shinuma anak pakari wa Ramat kore shomoki ruwe ne gusu ne na.

Roma 5:17

Nei shinen ki ohaitap rengap gusu rai-ambe anak ne shinen ankushkerai esapane chiki naa naa nuye an no nei irenga newa aoupekare oma korarape akore utara anak ne nei shinen gusu, Yesu Kiristo gusu, shiknu wa esapane ruwe ne na.

Roma 5:2

Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

Roma 5:20

Orowa, ohaitap shipiraspa gusu tuitak anak ne ahun nisa ruwe ne; koroka, katpak shipiraspa ushiketa, irenga anak ne naa nuye an no shipiraspa nisa ruwe ne:

Roma 8:9

Echi onnaigeta Kamui Ramat anak uni ne koro yak anak ne kam onnaigeta shomo echi okai, koroka, ramat onnaigeta echi okai ruwe ne. Koroka, nen ne yakka Kiristo kon Ramat shomo koro guru an chiki; nei guru anak Shinuma otta ko-an guru shomo ne ruwe ne.

Epesos 1:23

chikiri choropoketa ande wa itaknure, samata, koro netobake ne, ani nep ne yakka shikte Kamui koro shikte-i ne, karisia gusu obitta no okaibe esapanere nisa ruwe ne na.

Epesos 3:19

nei tomotuye ambe hene, epesh ambe hene, ri-hi hene, ooho-i hene, echi atumashnure wa onnere ki, orowa, Kamui koro aeshikbe ani echi aeshiktere kuni ne ku koramkon na.

Korosai 1:19

Inambe gusu ne yakun, obitta no okai eupakte-i Shinuma oshiketa oshiroma kuni ambe anak Shinuma irenga ne ruwe ne gusu ne na;

Korosai 2:3

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

I Petros 1:11

etoko wano Kiristo ayairamshitnere ambe hene, okaketa an kusu ne nupeki ambe paweteshu ki ita nekon a paha epeka ruwe he an? nei utara chimchimi nisa ruwe ne.

I Petros 1:2

Pontus, Garatia, Kappadokia, Asia newa Bitunia ta chichari hine riya wa okai anumge utara otta kambi omande: irenga newa itomo echi gusu aporore an na.