Yoannes 1:14 - Ashiri Aeuitaknup Iyohaichish Yona 1897

¹⁴ Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 1:14 ပူးပေါင်းရင်းမြစ်များ

Iyohaichish 2:7

Ekambakbe Ku ashte: Ehoba en orun ene itak-hi, —Aokai anak ne Ku poho e ne ruwe ne, Tanto e hetukure ash na.

Iyohaichish 45:2

Utara poho kasu no Aokai anak ne shiretok korobe ne; E koro papush wano irenga aechikiki ruwe ne: Tambe gusu Kamui anak ne ramma pakno e nunuke nisa ruwe ne na.

Iyohaichish 85:9

Son no un Shinuma kashiobiuki-hi anak ne Shinuma ko-ishitoma utara ehange no an na; Chikoro moshiri ta nupeki oshiroma kuni gusu ne na.

Mattaios 1:16

Mattan anak ne Yakob sangere; Yakob anak ne Maria koro hoku Yosep sangere; tan Maria orowa Yesu ani aye Kiristo hekatu nisa ruwe ne na.

Roukos 2:11

inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne.

Roukos 2:7

Awa, koro kiyanne-po shikore wa tanne anrip kokarakari hine orun tunma eibe kitchi otta hotkere nisa ruwe ne; reushi ushiketa ahup kuni tumbu isam ruwe ne gusu ne na.

Roukos 9:32

Petros newa tura no okai utara anak ne mokon rusui wa okai, koroka, nei utara irammaka mosh an chiki, Shinuma koro araguru hemhem tura no roshki wa okai tu ainu hemhem nukara.

Yoannes 1:1

Atpaketa anak ne Itak an, Itak anak Kamui tura an, Itak anak ne Kamui ne ruwe ne.

Yoannes 11:40

Orota Yesu ene itak-hi :— Eani eishokoro yak anak ne Kamui nupeki e nukara kusu ne, ani e otta Ku ye shomoki ya? ari itak.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 14:9

Orota Yesu ene itak-hi :— Tap ohonno echi tura no Ku an wa eani En eamkiri shomoki ya? En nukara guru anak ne Michi nukan nisa ruwe ne; Michi un nukare, sekoro hemanda e ye ya?

Yoannes 17:22

Orowa, En otta E kore arakuru Kuani nei utara otta Ku kore nisa ruwe ne; chi utara shinep ne korachi, nei utara ne yakka shinep ne kuni gusu ne na;

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Yoannes 18:37

Tambe gusu, orota Pirato ene itak-hi :— Yakun, Eani anak ne Moshiri shikkashima guru E ne ruwe he an? Yesu ene ese-hi :— Moshiri shikkashima guru Ku ne ani e ye ruwe ne. Tambe gusu A en shikore ruwe ne, tambe gusu moshirʼotta Ku ek ruwe ne, sonep gusu paweteshu Ku ki kuni gusu ne na. Nen ne yakka sonep orowa no an guru auak ne Ku hawe nu ruwe ne, ari itak.

Yoannes 2:11

Tap atpake an shirosh Gariraya moshiri un Kan a kotan ta Yesu ki wa, koro nupeki nukare nisa ruwe ne; orowa no, koikara utara Shinuma eishokon nisa ruwe ne na.

Yoannes 3:16

Inambe gusu ne yakun, Kamui anak ne koro Shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.

Yoannes 3:18

Shinuma eishokoro guru anak ne shomo akoipishi ruwe ne, shomo Shinuma eishokoro guru anak akoipishi okere nisa ruwe ne, Kamui shinen ne Poho reihei eishokoro shomoki nisa ruwe ne gusu ne na.

Yoannes 6:51

Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

Yoannes 8:32

samata, sonep echi eraman kusu ne, orowa, nei sonep anak ne echi honnere kusu ne na.

Apostoro ikip oma kambi 13:33

nei ambe anak tu ikinne no an iyohaiochish otta ka chieshinnuye wa an korachi ne :— Aokai anak ne Ku poho E ne ruwe ne, tanto E hetukure ash na.

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Roma 9:5

kam gusu Kiristo anak ne nei utara orowa no an, Shinuma anak obitta no okaibe kashita otusashuishiri pak no an shinnunuke Kamui ne ruwe ne. Amen.

I Korintos 15:47

Ramat umbe an ruwe ne. Hoshiki no an ainu anak ne toi orowa no an wa toi-ushbe ne; tutanu an ainu kando orowa no an ambe ne.

II Korintos 12:9

Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

Garatea 4:4

Kamui anak ne koro Poho sange; Shinuma shiwentep orowa no hekatu, tuitak otta hekatu;

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Korosai 1:19

Inambe gusu ne yakun, obitta no okai eupakte-i Shinuma oshiketa oshiroma kuni ambe anak Shinuma irenga ne ruwe ne gusu ne na;

Korosai 2:3

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

Korosai 2:9

inambe gusu ne yakun, aeramushinne an kamui-oibe anak netobake an nei no Kiristo oshiketa oshiroma ruwe ne,

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Hebraios 1:3

Shinuma anak ne Kamui nupeki oma tomtep ne, Kamui katuhu oma son no nokaha ne, koro kiroro an itak ani obitta no okaibe nitatpa ruwe ne; Shinuma anak ne chikoro katpak gusu furaye ambe ki okere chiki, rik un pasep shimon samata a nisa ruwe ne;

Hebraios 1:5

Inambe gusu ne yakun, Kamui uitekbe utara tumugeta okai inambe otta hembara ta ene ene ye ya? Aokai anak ne Ku Poho ne, Tanto Kuani e hekature ash na. Orowa shui, Shinuma gusu Kuani Michi ku ne kusu ne, En gusu anak Shinuma Poho ne kusu ne na.

Hebraios 10:5

Tambe gusu, Shinuma moshiri otta ahun ita, ene itak-hi; — Ayange kunip newa aikrap shomo e kon rusui, Koroka, en gusu netobake E etoko-oiki nisa ruwe ne;

Hebraios 2:11

Inambe gusu ne yakun, aturu-sakte shiriki utara newa turu-saktep anak ne obitta shinep orowa no an ambe ne: tambe gusu. Shinuma anak ne nei utara iriwak

Hebraios 5:5

Tambe nei no Kiristo ne yakka Kamui otta yaishieiwangere iyotta pase guru ne kuni yaiatte shomoki, koroka, Shinuma otta aye-hi korachi ne :— Aokai anak ne Ku poho e ne ruwe ne, Tanto e hetukure ash na:

I Yoannes 4:14

Orowa chi nukara, awa, Michi anak ne moshiri kashiobiukip ne kuni gusu nei Poho ette nisa ruwe ne ari an ambe paweteshu chi ki ruwe ne.

I Yoannes 4:9

Shinuma rengap gusu chi utara ishu kuni ne Kamui anak ne yaikota koro Shinen ne Poho moshirʼotta sange nisa ruwe ne gusu, tambe ani chi utara gusu Kamui omap ambe anukare nisa ruwe ne na.

II Yoannes 1:7

Inne no okai kokandama ki utara anak ne moshiri orota araki wa okai, Yesu Kiristo ainu netoba koro wa ek sekoro ambe shomo pushpusu utara tambe ne ruwe ne. Tambe anak kokandama ki guru ne, nei a anti-kiristo ne ruwe tapan na.

Ekambakbe 19:13

Orowa, kemi otta aomare mipihi yaitomchiure: kon reihei anak — Kamui Itak — ani ayep ne ruwe ne.

Ekambakbe 21:3

Orowa no, nei a amset wano oashin hawe ku inu, ene itak-hi :— Ingarʼan, Kamui koro kash anak ne ainu utara tura no an, aige, Shinuma nei utara tura no kash koro kusu ne, orowa, nei utara anak ne Shinuma koro uirup utara ne kusu ne, aine, Kamui yaihekota anak nei utara tura no rok wa koro Kamui ne kusu ne na: