Yoannes 1:1 - Ashiri Aeuitaknup Iyohaichish Yona 1897

¹ Atpaketa anak ne Itak an, Itak anak Kamui tura an, Itak anak ne Kamui ne ruwe ne.

Yoannes 1:1 ပူးပေါင်းရင်းမြစ်များ

Iyohaichish 45:6

Aa Kamui, E koro amset anak ne otusashuishiri wano otusashuishiri pakno an ambe ne: Aokai esapane kuni mondum anak ne oupeka mondum ne ruwe ne.

Mattaios 1:23

Immanueru sekoro an itak ibehe anak ne, Kamui un tura no an ruwe ne ani an itak ibehe ne ruwe ne.

Roukos 24:53

aige, ramma-kane Kamui kora kenru ta okai wa Kamui nunuke korʼan nisa ruwe ne na.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 1:18

Hembara ne yakka Kamui nukan nisa guru isam, Michi upshoro ta an Shinen ne poho anak ne, Shinuma anak Kamui pita nisa ruwe ne.

Yoannes 1:2

Nei Itak anak ne atpaketa Kamui tura no an nisa ruwe ne.

Yoannes 16:28

Kuani Michi orowa no Ku ek wa moshirʼotta Ku an shiri ne: shui, moshiri Ku hoppa wa Michi orota Ku oman ruwe ne.

Yoannes 17:5

Orowa, tane, Ku Michihi, moshiri naa shomo an etokota E tura no Ku an wa a En ko-oripakte-i ani, E yaikota E tura no En ko-oripakte wa En kore.

Yoannes 20:28

Tomas ese wa Shinuma orota ene itak-hi :—

Yoannes 8:58

Orota Yesu ene itak-hi :— Son no, son no, echi otta Ku ye, Abraham naa shomo hetuku etokota Ku an nisa ruwe ne, sekoro itak.

Roma 9:5

kam gusu Kiristo anak ne nei utara orowa no an, Shinuma anak obitta no okaibe kashita otusashuishiri pak no an shinnunuke Kamui ne ruwe ne. Amen.

Epesos 3:9

samata, obitta no okai ikiri wano nep ne yakka kara Kamui oshiketa mukke wa an asbikkashimarep obitta no okai utara otta nure kuni irenga a en koropare nisa ruwe ne;

Piripoi 2:6

Shinuma anak ne Kamui kat nep koro an, awa, Kamui tura ueripak an ambe anak aoshkoro kash pa kunip ne sekoro esanniyo shomoki nisa ruwe ne,

Korosai 1:15

Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,

Korosai 1:17

obitta no okaibe Shinuma ankushkerai akara, Shinuma otta akan na; aige, Shinuma anak ne obitta no okaibe eto-kota an, samata, Shinuma gusu obitta no okaibe roshki ruwe ne.

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Hebraios 13:8

Yesu Kiristo anak ne numan ne yakka tanto ne yakka otusashuishiri pakno ne yakka upakitara an na.

Hebraios 7:3

Itomo esapane guru ari an ambe ne; ona sak, unu sak, ikiri sak, toho gusu atpake isam, ishu ambe gusu shiokere shomoki, koroka, Kamui Roho nei no akara an na).

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

I Yoannes 5:7

Orowa, paweteshu ki ambe anak ne Ramat ne, Ramat anak ne son no ambe ne ruwe ne gusu ne na.

Ekambakbe 1:11

aige, ene itak-hi :— E nukarape kambi-sosh kata nuye hine nei arawan karisia orun omande yan; Epesos otta, Sumurna otta, Pergamos otta, Tuateira otta, Sardeis otta, Piradarpeia otta, Raodikeia otta omande yan.

Ekambakbe 1:17

Awa, Shinuma ku nukara chiki rai guru nepkoro an no koro chikiri samta ku hachiri nisa ruwe ne. Aige, Shinuma anak ne en kashiketa koro teke ande wa ene itak-hi :— Iteki ishitoma yan; Kuani anak ne atpake an ap ne, iyoshi no an ap ne,

Ekambakbe 1:2

nei guru anak ne Kamui itak gusu hemhem, Yesu Kiristo koro paweteshu ambe gusu hemhem, nep ne yakka shinuma nukarabe gusu hemhem paweteshu ki nisa ruwe ne.

Ekambakbe 1:8

Kuani anak ne, An wa an, an nisa, ek kusu ne, nep ne yakka ki eashkai, Arupa newa Omega Ku ne ruwe ne, sekoro, Utarapa ne Kamui ye ruwe ne.

Ekambakbe 19:13

Orowa, kemi otta aomare mipihi yaitomchiure: kon reihei anak — Kamui Itak — ani ayep ne ruwe ne.

Ekambakbe 2:8

Orowa, Sumurna kotan ta an Karisia koro hauturumbe gusu ene nuye yan;

Ekambakbe 21:6

Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.

Ekambakbe 22:13

Kuani anak ne nei Arupa newa Omeka Ku ne ruwe ne, hoshike an ap ne, iyoshi an ap Ku ne, atpake an ap ne, okake an ap Ku ne ruwe ne.

Ekambakbe 3:14

Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi: