Yakob 5:7 - Ashiri Aeuitaknup Iyohaichish Yona 1897

⁷ Tambe gusu, ku iriwak utara, Utarapa an pakno ramushiporore yan. Ingarʼan, toita guru anak ne aro-apto okake apto ek pakno ramushiporore wa toi wano an nupuru ibehe untere ruwe ne.

Yakob 5:7 ပူးပေါင်းရင်းမြစ်များ

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Mattaios 16:28

Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.

Mattaios 24:27

Inambe gusu ne yakun, imeru anak ne moshiri-pa wano hetuku wa moshiri-gesh pakno anukara korachi;

Mattaios 24:44

Tambe gusu echi utara ne yakka etokooiki wa okai yan; inambe gusu ne yakun, echi esanniyo shomoki pakihi ta Ainu Poho ek kusu ne.

Roukos 18:8

Echi otta Ku ye, chashnu no nei utara gusu Shinuma ikemnu kusu ne na. Yakka, Ainu Poho ek ita moshiri kata eishokor-i anukara kusu ne ya?

Roukos 21:27

Orowa no, Ainu poho anak ne kiroro newa poro nupeki koro wa nishkuru otta ek shiri anukara kusu ne.

Roukos 8:15

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Yoannes 21:22

Orota, Yesu ene itak-hi :— Shinuma Ku ek pakno an sekoro Kuani ramuoshma yakun, e otta nep an a? Eani En osh ek yan, sekoro itak.

Yoannes 21:23

Tambe gusu, nei koikara guru rai shomoki kusu ne sekorʼan orushpe utara tumuge orun ashipi-raspare wa an ruwe ne: koroka, shinuma rai shomoki kusu ne, ani an itak ani Yesu ye shomoki nisa ruwe ne; koroka, — Shinuma Ku ek pakno an sekoro Kuani ramuoshma yakun, e otta nep an a? ani an itak ani Shinuma ye nisa ruwe ne.

Roma 15:4

Nep ne yakka etoko wano anuye okaibe anak ne obitta un epakashnu gusu chieshinnuye nisa ruwe ne; chi utara anak ne yaiyupupu ambe gusu hemhem, Kamui nuyere itak gusu hetuku omaoma ambe gusu hemhem chipachipa kuni gusu ne na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

I Korintos 1:7

tambe gusu, nep eikrap gusu ne yakka shomo echi ehaita ruwe ne; chikoro Utarapa ne Yesu Kiristo anukara kuni ambe echi untere wa okai ruwe ne;

Garatea 5:5

chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na.

Garatea 6:9

Orowa, pirikap iki gusu iteki yaishingere; inambe gusu ne yakun, ramurai shomoki chiki, paha epa ita nanke kusu ne gusu ne na.

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

I Tessaronike 2:19

Gusu aechipachipa arabe hene, aenupetnep ne hene, aeyaiomonnure sapaumbe hene nekon a arabe ne ruwe he an? Ek kushki chikoro Utarapa ne Yesu kotchaketa echi utara shomo ne arabe ne ruwe he an?

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

Hebraios 6:15

Aige, tap korachi yaiyupupu wa yaishiporore gusu, shinuma nei aeitakamkirep akore nisa ruwe ne.

Yakob 4:11

Iriwak utara, utashpa iteki ohaigekara yan. Koro iriwak gusu ohaigekara hene ki, iriwak koipishi hene ki gurʼanak ne tuitak ohaigekara, tuitak koipishi ruwe ne: koroka, eani anak ne tuitak koipishi chiki, tuitak ki guru shomo e ne, koipishi ki guru e ne ruwe ne.

Yakob 5:10

Ku iriwak utara. Utarapa reihei gusu ye uweingara utara koikara hine yairamkoiki wa ramushiporore yan.

Yakob 5:3

Echi koro kongani, echi koro shirokani shikopop; nei shikopopbe anak ne echi gusu paweteshu ki, abe korachi echi koro kam ibe kusu ne na. Okese an toho ta ikoro echi eumashnu nisa ruwe ne.

II Petros 3:4

aige, ene itak kusu ne-hi; — Shinuma ek kuni eitakamkire ambe hunakta an a? inambe gusu ne yakun, ekashi utara mokonnoye orowa no, moshiri akara heashi wano, nep ne yakka ramma-ramma an na,