Yakob 5:16 - Ashiri Aeuitaknup Iyohaichish Yona 1897

¹⁶ Tambe gusu, echi ki katpak utashpa uwe-eyaipushi yan, echi utara aiwangere kuni ne uweutashpa gusu inonno-itak ki yan. Oupeka guru ki inonno-itak anak ne porobe iki ruwe ne na.

Yakob 5:16 ပူးပေါင်းရင်းမြစ်များ

Iyohaichish 34:15

Ehoba shikihi anak ne oupeka utara orun atte wa okai, Nei utara sange hawe orun Shinuma koro kisaraha atte wa okai ruwe ne.

Mattaios 21:22

Orowa, nep ne yakka echi eishokoro wa inonno-itak ani ko-ramkoro yakun obitta akore kusu ne na.

Mattaios 3:6

Yoannes orota paye, orowa koro wen-buri eyaipushi wa Yorodan pet otta baptisma akore nisa ruwe ne.

Markos 1:5

Orowa, Yudea moshirʼebitta newa Yerusarem kotan un utara obitta Shinuma orota paye; orowa, chikokatpak eyaipushi hine Yorodan pet otta shinuma orowa no baptisma akore nisa ruwe ne.

Roukos 9:6

Orowa no, shinuma utara paye, aige, kotan akush wa Pirika shongo eupaskuma hemhem ki neita ne yakka tashum ki utara iwangere hemhem ki nisa ruwe ne na.

Yoannes 9:31

Kamui anak ne katpak koro guru shomo nu sekorʼambe chi eramʼan: koroka, nen ne yakka Kamui kooripak, Shinuma korʼirenga ki guru an yak anak ne, Kamui nei guru nu ruwe ne.

Apostoro ikip oma kambi 10:38

Shinuma anak ne Nazaret un Yesu ne, Kamui anak ne kiroro newa Ashkanne Ramat Shinuma kashiketa ota nisa ruwe ne: orowa, Shinuma pirikap iki wa apkash hine nitne kamui ashikatkare utara iwangere nisa ruwe ne; Kamui Shinuma tura no an ruwe ne gusu ne na.

Apostoro ikip oma kambi 19:18

Eishokoro okere utara poron no ne yakka araki, aige, eyaipushi hine koro iki ikip ye nisa ruwe ne.

Apostoro ikip oma kambi 8:24

Orowa, Simon ese wa ene itak-hi :— Ika tan e ye okaibe en gusu ek kuni en gusu Utarapa koramkoro wa en kore, sekoro itak.

Roma 3:10

ene chieshinnuye wa an korachi ne :— Oupeka guru isam, ruwe uu, shiueu ka isam ruwe ne;

Roma 5:19

Inambe gusu ne yakun, shine ainu itakkashi ambe gusu inne utara akokatpakte nei no, tap korachi Shinen itaknu ambe gusu nei inne utara aoupekare kusu ne na.

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

I Tessaronike 5:17

nep ne yakka gusu yaiiraige ki yan;

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

I Tessaronike 5:25

Iriwak utara, un gusu inonno-itak ki wa un kore yan.

Hebraios 11:4

Eishokor-i an gusu Aberu anak ne Kain kasu no eetasa pirika yange kunip Kamui otta yange nisa, nei ambe ankushkerai Shinuma anak oupeka guru ne sekoro otta paweteshu an, aige, shinuma ayangep epeka Kamui paweteshu ki, aine, nei guru rai okere yakka nei ambe gusu itak sange ruwe ne.

Hebraios 11:7

Eishokor-i an gusu Noa anak ne naa shomo anukarabe epeka Kamui orowa no anure gusu Kamui kooripak an ishitoma keutum atte gusu, koro uni un utara shiknure kuni ne chip kan nisa ruwe ne; nei ambe ankushtapne shinuma moshiri kokatpakte, aige, eishokor-i kari an oupekap aeikeshkore guru ne akara.

Hebraios 12:13

tusushke kokkasap ne yakka; orowa, hera ambe anak ne ru ohaita shomoki no aiwangere an kuni gusu, echi kemaha gusu kuwanno no an ruhu kara yan.

Hebraios 13:18

Un gusu inonno-itak ki wa un kore: chi utara anak ne oheuge keutura sak wa nep ne yakka gusu oupeka no moshiri koapkash rusui ruwe ne sekoro chi ramu ash ruwe ne gusu ne na.

I Petros 2:24

Shinuma yaikota kon netobake oshiketa chikoro chikokatpak koro hine chikuni otta sei wa arapa, nei ambe anak ne chi utara katpak otta rai wa oupekap otta shiknu gusu ne a ambe ne; Shinuma akore shirikik-hi gusu echi utara aiwangere nisa ruwe ne.

I Yoannes 3:22

orowa, Shinuma sange ikashpaotte chi shikkashima wa Shinuma nupetnere kuni buri chi ki ruwe ne gusu, tambe gusu, nep ne yakka koramkoro yakka Shinuma un koropare ruwe ne.