Yakob 3:8 - Ashiri Aeuitaknup Iyohaichish Yona 1897

⁸ koroka, parumbe ratchitara shiomaparare guru isam; nei ambe anak ne shinire hokamba wenbe ne, rai oma surugu ne ruwe ne na.

Yakob 3:8 ပူးပေါင်းရင်းမြစ်များ

Iyohaichish 140:3

Okokko korachi koro parumbe eenka; Koro papush choropoketa kunne-hike surugu an ruwe ne. [Sera.]

Iyohaichish 55:21

Koro paroho anak ne kiripu korachi teshnatara ruwe ne, Koroka, keutum ta tumi an: Koro itak anak ne shum kasu no hapuru ruwe ne, Yakka, aetaye an rangetam nepkoro ne ruwe ne na.

Iyohaichish 57:4

Ku ramat anak ne shishi tumugeta an; Uhuye wa okai utara tumugeta ku hotke, Nei utara anak ne Ainu poho ne, aige, koro nimaki op newa ai ne, Koro parumbe een emush ne ruwe ne.

Iyohaichish 58:4

Koro surugu anak okokko surugu nepkoro ne: Koro kisara seshke ru-o ashpa guru ukorachi ne;

Iyohaichish 59:7

Ingarʼan nei utara paro ani patukuku; Koro papush otta emush okai: Nei ambe mu guru nen ta? ari yainu ruwe nei gusu me na.

Roma 3:13

Koro rekuchi anak ne amaka wa an tushiri ne; Koro parumbe ani kokandama ki: Koro papush choropoketa kinashutumbe surugu an:

Yakob 3:6

Orowa, parumbe anak ne abe ne: netobake ebitta turusakte chikoro tumam awehe tumta an oupeka sak moshiri ne, Gehenna gusu aare wa moshirʼebitta uhuyeka ruwe ne.

Yakob 3:7

Inambe gusu ne yakun, nep chikoikip hene, chikap hene, reye ambe hene, rep un okaibe hene, aratchitara shiomaparare an, Ainu orowa no aratchitara shiomaparare nisa ruwe ne:

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.