Yakob 3:17 - Ashiri Aeuitaknup Iyohaichish Yona 1897

¹⁷ newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

Yakob 3:17 ပူးပေါင်းရင်းမြစ်များ

Mattaios 23:28

Tap korachi echi utara ne yakka ainu shik orogeta oupeka utara ukorachi anutara, koroka, echi onnaige anak ne kankapkapeka ambe newa wen-buri ani eshik ruwe ne gusu ne na.

Mattaios 5:8

Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.

Mattaios 5:9

Itomo ashte utara anak ne anunuke ne; nei utara Kamui Poho utara ne ani areikore ruwe ne kusu ne gusu ne na.

Roukos 21:15

Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.

Roukos 6:36

Echi koro Michi rampokiwen wa kore korachi, echi utara ne yakka rampokiwen wa kore yan.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 1:47

Orota Natanaeru ek shiri Yesu nukara chiki, shinuma epeka no ene itak-hi :— Ingarʼan, keutumuta irara sak son no Israeru un guru an!

Apostoro ikip oma kambi 11:24

shinuma pirika ainu ne, Ashkanne Ramat newa eishokor-i ani aeshik wa an gunʼne: orowa, inne utara Utarapa otta akoande nisa ruwe ne na.

Apostoro ikip oma kambi 9:36

Orowa, Yoppa kotan ta Tabita ari an reihei koro koikara shiwentep an, nei arabe eepakita yakun, Dorkas ne ruwe ne: nei shiwentep anak ne pirika ikip poron no ki, orowa, eungeraitep kore gunʼne.

Roma 12:18

Aeashkai chiki, ramuosshi pakno, obitta no okai utara gusu itomo irenga koro yan.

Roma 12:9

Kankapkapeka shomoki no omap yan.

Roma 15:14

Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.

I Korintos 12:8

Inambe gusu ne yakun, Shinen otta wayashnu itak Ramat ani akore; moshima guru otta une no an Ramat orowa eramush itak akoropare:

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 6:6

eramatu ambe otta hene, ramushiporore otta hene, ramuhauge-hi otta hene, Ashkanne Ramat otta hene,

II Korintos 7:11

Inambe gusu ne yakun, tapne an ambe ingarʼan, Kamui kooripak nei no echi aoknatare gusu anak ne, echi tumugeta nep yuptek no echi iki humi! ruwe un, nep kikikara ambe! ruwe un, nep kinrakara ambe! ruwe un, nep ishitoma ambe! ruwe un, nep eyaikatekara ambe! ruwe un, nep seisek mau keutum! ruwe un, nep ikemnu ambe humi! nep ne yakka nei orushpe gusu echi utara anak ne turu-sakbe ne sekoro echi yaiashte nisa ruwe ne.

II Korintos 9:10

Orowa, etoita guru otta piyehe sange, ibe kuni gusu aep sange gurʼanak ne aetoita gusu echi koro piyehe porore wa kore hemhem ki, echi ki oupeka an ibehe innere hemhem ki kusu ne na:

Epesos 5:9

pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

I Tessaronike 2:7

Koroka, iyopakkai-ushi guru yaikota koro poho utara reshpa korachi, chi utara anak ne echi tumugeta ratchitara no okai ash nisa:

I Timoteos 5:21

Oheuge sak no tap okaibe e iki, ainu kashiramu gusu shomo ki no nep ne yakka ki kuni ne Kamui tek-samata newa Kiristo Yesu teksamata newa anumge wa okai Kamui hauturumbe tek-samata newa e ikashpaotte ash na.

II Timoteos 2:24

Orowa, Utarapa koro usshiune guru anak ne ukoiki kunip shomo ne, koroka, obitta no okai utara epeka rotcha wa an, epakashnu eashkai no an, wenbe gusu eyaishiporore wa an,

Titus 1:15

Turu-sak guru otta obitta no okaibe anak turu-sak ruwe ne: koroka, turu-ush wa eumbipka utara otta nep ne yakka shomo turu-sak ruwe ne; aige, koro sambe ne yakka keutum ne yakka turu-ushbe ne ruwe ne na.

Titus 3:2

iteki nen ne yakka ohaigekara, iteki ukoiki, rotcha keutum koro, obitta no okai utara epeka ramu-hauge no okai kuni ye yan.

Hebraios 12:11

Nep shirikik ambe an yakka iki an rapoketa eyaikopuntek kuni gusu an ambe shomo ne wa eoknatara kuni gusu an ambe ne sekoro anukara; yakka, okake an koro nei ambe gusu apakashnu utara otta itomo an ibehe, oupeka an ambe, hetukure ruwe ne.

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

Yakob 1:17

Obitta no okai pirika aikrap, obitta no okai aeramushinne an aikorep anak ne, rik orowa no an ap ne, yaiutasare shomoki, hosari gusu kurihi kara shomoki pekere koro Michi orowa no sap ruwe ne.

Yakob 1:5

Koroka, echi utara tumugeta wayashnu-i gusu eikohaye guru an chiki, nuye an no obitta no okai utara otta koropare hine kosakayokara shomoki Kamui otta koramkoro yan; yakun akoropare kusu ne na.

Yakob 2:13

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

Yakob 2:4

keutum ta utara ushinnai are wa wen yainu-lri gusu koipishi ki utara shomo echi ne ruwe he an?

Yakob 3:15

Tapne an wayashnu-i anak ne rik orowa no ran ap shomo ne, koroka, moshiri umbe ne, rengaine an keutum umbe ne, nitne kamui umbe ne ruwe ne.

Yakob 4:8

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:1

Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;

I Petros 2:18

Auitek utara, ishitoma ki wa koro nishpane utara otta koitaknu yan; ouse pirikap newa rotcha guru otta patek shomo ne, koroka, niwen guru otta ne yakka ki yan.

I Yoannes 3:18

Nokan utara, iteki itak ani, parumbe ani, omap ki, koroka, iki-buri newa sonep ani omap yan.

I Yoannes 3:3

Orowa, Shinuma gusu tapne no chipachipa gurʼanak ne, Shinuma ka turasak korachi yaikota yaiturusakte ruwe ne.