Yakob 3:14 - Ashiri Aeuitaknup Iyohaichish Yona 1897

¹⁴ Koroka, keutum ta ikoitupa shiuninbe newa sakayo kane echi koro chiki, iteki yaiomonnure, iteki sonep gusu shunge ki yan.

Yakob 3:14 ပူးပေါင်းရင်းမြစ်များ

Mattaios 27:18

Inambe gusu ne yakun, nei utara anak ne eyaitunnap gusu Yesu eiyonupba nisa ruwe ne, sekoro eraman ruwe ne gusu ne na.

Yoannes 16:2

Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

Apostoro ikip oma kambi 13:45

Koroka, Yudea un utara anak ne nei poro topaha nukara chiki, ikoitupa aeshik wa Pauros ye orushpe eutastasa hine koatcha nisa ruwe ne.

Apostoro ikip oma kambi 26:9

Son no poka kuani yaikota ne yakka Nazaret kotan un Yesu sekorʼan reihei epeka inne keshkep ikichi ambe ku ki kunip ne sekoro ku yainu nisa.

Apostoro ikip oma kambi 5:17

Koroka, Kamui kora kenru iyotta esapane guru anak ne tura no okai utara obitta tura hopuni (nei

Apostoro ikip oma kambi 7:9

Orowa, nei mak-un ekashi anak ne eyaitunnap gusu Echipt moshiri orota Yosep ehok:

Roma 1:29

shomo ne ambe nei utara iki kuni ne aemaka kuni keutum otta Kamui ekoshi nisa: obitta no okai oupeka sak-i, wen-buri, yaikoshipuinere ambe newa wenbe ani aeshikte wa okai; eyaitunnap, keuk, upaore,

Roma 13:13

Tokap an to korachi oupeka no apkash anro; iku-sakayo newa ihoshki ambe otta hene, omoinu newa ramupekere otta hene, upaore newa eyaitunnap otta hene iteki apkash anro.

Roma 2:17

Koroka, aokai anak ne Yudea un guru an reihei ani areikore hene aki hine tuitak otta eyaikopashte hene ki, Kamui gusu yaiyomonnure hene ki, Shinuma korʼirenga eraman hene ki,

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

I Korintos 13:4

Omap ambe anak ne ramushiporore wa ramuhaugep ne; omap ambe anak ne shomo eyaitunnap ki; omap ambe anak ne shomo shiokunnere,

I Korintos 3:3

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

I Korintos 5:2

Orowa, tan okaibe iki guru anak ne echi tumuge wano auk kuni ne shomo echi yaituwashkarap a koroka, echi pittarane hine okai.

I Korintos 5:6

Echi yaiomonnure ambe anak ne pirikap shomo ne. Pon no an pandane anak ne nei ramne taku shipushkere ambe shomo echi eraman ya?

II Korintos 12:20

Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;

Garatea 5:15

Koroka, echi utara anak ne, uweutashpa uwekuba hemhem ki, uweibe hemhem ki chiki, ikineipeka, echi utara shomo utashpa uweaisamka kuni ne yaitubare yan.

Garatea 5:20

aesaman ambe hene, epokbap hene, upaore hene, ikoitupap hene, kinrakarabe hene, sakayo karabe hene, uwekoppa an ambe hene, Kamui orusbpe ohoge yainu ambe hene, eyaitunnap ki ambe hene, ihoshki ambe hene,

Garatea 5:21

iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na.

Garatea 5:26

Chi utara iteki yaiomonnure ki wa utashpa uweirushkare uweeyairamikashure ki yanro.

Garatea 6:13

Okarituye buri akire utara poka yaikota tuitak shikkashima shomoki ruwe ne; koroka, echi otta koro kam gusu yaiomonnure kuni ne echi otta okarituye buri kire rusui ruwe ne.

Piripoi 1:15

Eyairamikashure newa upaore gusu poka Kiristo eupaskuma ki utara okai: shui, pirika irenga an gusu ki utara ka okai:

Piripoi 2:3

nep ne yakka echi ki ita anak ne sakayo newa yaiomonnure gusu iteki ki yan, koroka, keutum yaieoripakka wa moshima okai utara anak ne yaikota kasu no pirikap ne sekoro pishno pishno esanniyo yan;

I Timoteos 2:4

obitta no okai utara kashiaobiuki wa sonep eraman kuni ambe anak ne Shinuma koro keutum ne ruwe ne.

I Timoteos 6:4

nei guru anak nep ne yakka erampeutek wa pittaranne, koroka, Kamui kooripak ambe anak ani eyaiepirikare kunip ne sekoro yainu wa eyaitunnap keutum hemhem, upaore ambe hemhem, Kamui koatcha ambe hemhem, wenbe eyainu ambe hemhem, keutura munin wa

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Yakob 1:18

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

Yakob 3:16

Inambe gusu ne yakun, ikoitupa ambe newa sakayo an ita anak ne, nei ushiketa eramu-hokasusu ambe

Yakob 5:19

Ku iriwak utara, echi tumugeta nen ka sonep ehaita, aige, moshima guru shinuma yaikokatpakte chiki; tambe onnere yan,