Yakob 3:13 - Ashiri Aeuitaknup Iyohaichish Yona 1897

¹³ Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.

Yakob 3:13 ပူးပေါင်းရင်းမြစ်များ

Iyohaichish 107:43

Wayashnu guru anak ne tap okaibe esanniyo kusu ne, Aine, Ehoba koro rampoken ramepakari kusu ne na.

Iyohaichish 122:8

Ku iriwak utara newa katairotke utara gusu, E oshiketa itomo irenga an na, sekoro tane ku ye kusu ne na.

Iyohaichish 149:4

Ehoba anak ne koro utari enupetne: Shinuma anak ne kashiobiuki-hi ani ramu-rotcha utara tomtere kusu ne.

Iyohaichish 25:9

Shinuma anak ne aesanniyop otta ramu-rotcha utara ani: Ramu-rotcha utara otta koro ru epakashnu kusu ne.

Iyohaichish 45:4

E koro sonep newa ramurotcha ambe newa oupeka ambe gusu, Chitomte no o wa paye hine annokara ki yan: Yakun, E koro shimon-tek anak ne ashitomap aepakashnu kusu ne na.

Mattaios 11:29

Kuani anak ne ramu-shiroma wa keutum yaieoripakka ambe Ku ne ruwe ne gusu, Ku rekuchi orunbe uk wa En orowa no eyaihannokkara yan; yak anak ne echi keutum gusu shini ushi apa kusu ne.

Mattaios 21:5

sekoro uweingara guru ani chi itakte itak auweomare kuni ne aki nisa ruwe ne na.

Mattaios 5:5

Ramu-rotcha utara anak ne anunuke ne; nei utara moshiri eikeshkoro ruwe ne kusu ne gusu ne na.

Mattaios 7:24

Tambe gusu, tap Ku ye itak nu wa nei no ki utara anak ne, watara kata koro chisei kara wayashnu guru ukoheraye ruwe ne:

I Korintos 6:5

Echi yainikoroshmare gusu tambe ku ye ruwe ne.

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 8:24

Tambe gusu, karisia utara kotchaketa nei utara otta echi ikichi omap ambe hemhem, echi utara gusu chi ki yaiomonnure ambe ika hemhem nukare wa en kore yan.

Garatea 5:23

ramushiroma ambe hene, yaishikkashima ambe hene ne ruwe ne: nei okaibe epokba tuitak isam ruwe ne.

Garatea 6:1

Iriwak utara, nen ka katpak ani aoshkoni guru an chiki, echi tumugeta an Ramat oma guru ramushiroma hine shinuma oupekare yan; yaikota iteki akoramnukara kuni ne yai yaitubare no ki yan.

Garatea 6:4

Koroka, ainu pishno yaikota ki ikip uwandere yan, yakun, shinuma ouse yaikota gusu yaiomonnure ki, moshima guru gusu shomo omonnure ki kusu ne na.

Epesos 4:2

orowa, gusu echi atak wa okai atak ambe kopakeot no apkash hene ki,

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Korosai 3:12

Tambe gusu, Kamui koro anumge ashkanne newa aomap an utara korachi, rampokiwen an keutura hemhem, pirika irenga hemhem, yaieoripakka arabe hemhem, ramu-rotcha arabe hemhem, ramu-shiporore ambe hemhem,

I Timoteos 4:12

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

II Timoteos 2:25

ramu-shiroma no yaiatte wa epokba utara pakashnu kuni an guru ne kunip ne ruwe ne; Kamui anak ne nei utara yaikokatpakte wa sonep eramande, orowa,

Titus 3:2

iteki nen ne yakka ohaigekara, iteki ukoiki, rotcha keutum koro, obitta no okai utara epeka ramu-hauge no okai kuni ye yan.

Hebraios 13:5

Ichen shomo koomap no okai; yaikorobe gusu yaiyainuwere yan: inambe gusu ne yakun, Shinuma yaikota ene itak-hi :— Kuani anak ne son no moshima no e ande shomoki, e emaka shomoki kusu ne. Tarahe gusu,

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

Yakob 2:18

Ruwe un, Eani anak ne eishokor-i koro, orowa, kuani anak ki ikip an, sekoro ye kusu ne guru an: ki ikip sak no an e koro eishokor-i en nukare yan, yakun, kuani anak ku ki ikip ani ku goro eishokor-i e nukare ash na.

Yakob 3:1

Ku iriwak utara, chi utara anak ne naa yupke no aesanniyo wa akoipishi kusu ne sekorʼambe eraman wa inne no echi utara anak ne iteki epakashnu utara ne yan.

Yakob 3:17

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

I Petros 1:15

koroka, echi tak Kamui anak ne turu-sak korachi, nep ne yakka gusu echi utara ne yakka turu-sak no okai yan;

I Petros 2:12

Oya utara tumugeta okai rapoketa yairamatte wa okai yan: nei utara echi iyohaigekara wa wenbe ki guru echi ne sekoro ye chiki, echi ki pirika ikip nukara hine aesanniyo toho ta nei utara Kamui ramye kuni ne nei no kara yan.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

I Petros 3:4

Kamui tek-samata shi no ataye nupuru, keutum oshiketa anuina wa an guru, munin shomoki ramu-shiroma newa rotcha keutum ani yaitomte kara yan.