Yakob 2:5 - Ashiri Aeuitaknup Iyohaichish Yona 1897

⁵ Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

Yakob 2:5 ပူးပေါင်းရင်းမြစ်များ

Mattaios 11:5

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 5:3

Ramat gusu otek-sak utara anak ne anunuke ne; kando moshiri nei utara korope ne gusu ne na.

Markos 7:14

Orowa, kanna shui inne utara shikekote

Roukos 12:21

Yaikota gusu aeoteknup eumashnu wa Kamui epeka oteknu shomo ne an gurʼanak ne nei no korachi ne ruwe ne na.

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Roukos 16:22

Okaketa, nei iyahupkara guru anak ne rai, orowa, Kamui uitekbe shinuma koro wa paye hine Abraham upshoro ta ande nisa ruwe ne: orowa, nei oteknu guru ne yakka rai wa tushiri oro aomare nisa ruwe ne.

Roukos 16:25

Koroka, Abraham ene itak-hi :— poho, eani kanna moshiri ta e an rapoketa e koro pirika okaibe e kon nisa ruwe ne, orowa, Razaros anak ne nei no korachi wen okaibe kon nisa ruwe ne-hi eshkarun yan: koroka, tane anak shinuma teda an wa aomaoma wa an, eani anak ne aiuninka wa an na.

Roukos 22:29

Orowa, Ku goro michi anak ne Moshiri En ashikkasmimare korachi, Kuani ne yakka moshiri echi shikkashimare ash ruwe ne;

Roukos 6:20

Orowa, Shinuma anak ne koro koikara utara orun ingara wa orota ene itak-hi :— Otek sak utara, echi utara, anunuke echi ne, Kamui moshiri echi korobe ne ruwe ne gusu ne na.

Yoannes 7:48

Esapane utara hene Parisee un utara hene Shinuma eishokoro ruwe?

Apostoro ikip oma kambi 7:2

Aige, orota shinuma ene itak-hi :— Iriwak utara newa ekashi utara inu yan. Haran kotan ta oshiroma etokota, Mesopotamia moshiri ta an ita, arakuru koro Kamui anak ne chikoro ekashi

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

I Korintos 2:9

koroka, chieshinnuye wa an korachi, Shikihi shomo nukara, kisaraha shomo nu, Ainu keutum ta shomo ahunbe anak, I-omap utara gusu nep ne yakka Kamui etokooiki okaibe ne.

II Korintos 4:15

Inambe gusu ne yakun, obitta no okaibe anak ne echi rengap gusu an ambe ne, tambe anak nei irenga inne utara gusu naa nuye an no akara wa Kamui arakuru ankushkerai koyaiiraige ambe aporore kuni gusu an ambe ne ruwe ne.

II Korintos 6:10

apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

II Tessaronike 1:5

tambe anak ne Kamui oupeka an koipishi gusu an anukara shirosh ne; gusu ka echi ramushitne hine Kamui moshiri uina kuni oupak no okai utara echi ne sekoro echi esanniyo an kuni gusu ne na:

I Timoteos 6:18

nei utara pirikap iki,

II Timoteos 4:18

Utarapa anak ne pishno no an wen ikip orowa no en ohaitare kusu ne, orowa, kando un moshiri gusu en kashiobiuki kusu ne: otusashuishiri wano otusashuishiri pakno Shinuma orun arakuru an na. Amen.

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Yakob 1:12

Koramnukara wa yaishiporore gurʼanak ne anunuke ne: Shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

Yakob 1:16

Aomap an ku iriwak utara iteki akokandama wa okai yan.

Yakob 1:19

Ku omap an iriwak utara, onnere yan. Koroka, pishno an guru anak ne nu gusu chashnu, itak gusu moire,

Yakob 1:9

Koroka, eraratki an iriwak anak ne arikande gusu nupetne yan;

I Petros 1:4

kando oshiketa eumashnu wa an munin shomoki, turu-sak wa, shomo shumumge eikeshkorobe shikkashimare kuni ne, rai orowa no Yesu Kiristo hetopo-shiknure ambe ani koro poro rampoken gusu ishu chipachipa kuni ambe otta hetopo un shikore,

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

Ekambakbe 2:9

Atpake an, iyoshi no an, rai okere wa ishu ambe ene itak-hi: E ki eramchuptekbe newa e irapokkari an ambe Ku eraman (koroka oteknu ambe e ne), samata, Yudea un utara ne ari yaikota ye a koroka Yudea un utara shomo ne Satan uwekari un utara ne sekorʼan utara iki koatcha ambe Ku eraman.

Ekambakbe 21:7

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.

Ekambakbe 3:18

oteknu guru e ne kuni ne abe ani aturu-sakte kongani en orowa no hok kuni; samata, eani yaimire wa e atusa yainikoroshma ambe shomo anukara kuni ne retara amip hok kuni; samata, ingara kuni ne e koro shiki eushi gusu an shik kusuri hok kuni ne e onishnishi ash ruwe ne.