Yakob 2:20 - Ashiri Aeuitaknup Iyohaichish Yona 1897

²⁰ Aa haita guru, ki ikip sak no an eishokor-i anak ne toirenbe ne sekoro onnere shomoki ya?

Yakob 2:20 ပူးပေါင်းရင်းမြစ်များ

Roma 1:21

nei utara anak ne Kamui eraman hine Kamui otta aki kuni korachi shomo kooripak, shomo koyaiiraige nisa; koroka, raka sak no an ramepakari ki, aige, koro ramu-isam sambe akunnere nisa ruwe ne.

Roma 3:28

Tuitak ikip oyapi an wa ainu anak ne eishokor-i ani aoupekare ruwe ne sekoro chi esanniyo ruwe ne gusu ne na.

Roma 9:20

Iteki, koroka, Kamui orun tasa itak ye aokai anak ne nen ne ruwe? Katu akorep anak ne nei katuhu kore guru otta — Hemanda gusu tap nei no en kara ya,

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Garatea 6:3

Orowa, nen ne yakka nep aramu ka shomoki ita yaikota yaiokkainere guru an chiki, shinunra anak ne yaikokandama ruwe ne.

Korosai 2:8

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

I Timoteos 1:6

tapan okaibe gusu sereke okai utara ihaita wa oha-itak eun eshirihoshi henoye nisa ruwe ne;

Titus 1:10

Inambe gusu ne yakun, inne no okai itakkashi utara, raka-sak itak sange wa kokandama ki utara okai, makangane okarituye-buri oma utara nei no okai,

Yakob 1:26

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

Yakob 2:17

Tap korachi eishokor-i anak ne ki ikip sak no an chiki, yaikota gusu rai wa an ruwe ne.

Yakob 2:26

Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.