Yakob 2:18 - Ashiri Aeuitaknup Iyohaichish Yona 1897

¹⁸ Ruwe un, Eani anak ne eishokor-i koro, orowa, kuani anak ki ikip an, sekoro ye kusu ne guru an: ki ikip sak no an e koro eishokor-i en nukare yan, yakun, kuani anak ku ki ikip ani ku goro eishokor-i e nukare ash na.

Yakob 2:18 ပူးပေါင်းရင်းမြစ်များ

Roma 14:23

Koroka, utumashi shiriki no an wa ibe gurʼanak ne katpak an sekoro aesanniyo ruwe ne, eishokon no ibe shomoki ruwe ne gusu ne na; orowa, nep ne yakka eishokor-i gusu shomo ne ambe anak katpak ne ruwe ne.

Roma 3:28

Tuitak ikip oyapi an wa ainu anak ne eishokor-i ani aoupekare ruwe ne sekoro chi esanniyo ruwe ne gusu ne na.

Roma 4:6

Aki ikip oyapi an wa oupeka ne sekoro Kamui orowa no aesanniyo ainu gusu Dabid poka nunuke ambe ye korachi ne; ene ani ne :—

Roma 8:1

Tambe gusu, Kiristo Yesu oshiketa okai utara gusu tane katpak akore-i isam ruwe ne.

Roma 9:19

Yakun, hemanda gusu Shinuma oromam ya? Shinuma koro ukoramkor-i, shisamchashnure guru inan guru ne ya? ani an itak ani aoka en otta ye kusu ne.

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

II Korintos 5:17

Tambe gusu, inan ne yakka Kiristo oshiketa an chiki, shinuma anak ashiripe ne: fushko okaibe paye wa isama; ingarʼan, ashiripe ne akan nisa ruwe ne.

II Korintos 7:1

Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

I Timoteos 1:5

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:

Titus 2:7

nep ne yakka gusu eani anak ne pirika ikip epeka yaikota y aekoikarabe ne yai kara yan; epakashi gusu oheuge sak,

Hebraios 11:31

Eishokor-i an gusu hoiyo-buri koro Rahab anak ne, itomo irenga sange wa nei inukara utara uk, aine, itakkashi utara tura shomo aisamka nisa ruwe ne.

Hebraios 11:33

nei utara anak ne eishokor-i ankushkerai moshiri annokara, oupekap iki, eitakamkirep akore,

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Yakob 2:14

Ku iriwak utara, ainu anak ne eishokor-i an sekoro ye wa ki ikip isam chiki nep yaiepirikarep an a? Nei eishokor-i anak ne nei guru kashiobiuki eashkai ruwe he an?

Yakob 3:13

Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.