Yakob 1:9 - Ashiri Aeuitaknup Iyohaichish Yona 1897

⁹ Koroka, eraratki an iriwak anak ne arikande gusu nupetne yan;

Yakob 1:9 ပူးပေါင်းရင်းမြစ်များ

Iyohaichish 62:9

Son no newa nupan utara anak ne heisepa ne, orowa, nupuru utara anak ne shungep ne: Ipakarip otta aomare chiki, ariknatari, Shi no heisepa kasu no koshnep ne.

Roukos 1:52

Amset orowa no sapane utara range ruwe ne wa, Utara keshi un utara rikta ande nisa ruwe ne.

Roukos 10:20

Koroka, tap ambe gusu, ramat utara echi ki itak nu gusu, iteki echi yaikopuntek yan; echi kon reihei anak ne kando oshiketa anuye wa okai gusu yaikopuntek yan.

Roukos 14:11

Inambe gusu ne yakun, nen ne yakka yaikota yairikande gurʼanak ne aramde kusu ne; orowa, yaikota yairamde gurʼanak ne arikta ande kusu ne na.

Roukos 9:48

Nen ne yakka Ku reihei rengap gusu tan pon guru uk guru anak ne En uk ruwe ne: samata, nen ne yakka En uk gurʼanak ne En omande guru uk ruwe ne: inambe gusu ne yakun, obitta no echi utara tumugeta an iyotta pon guru anak ne, nei guru anak pase ruwe ne, sekoro itak.

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

II Korintos 6:10

apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

Piripoi 3:14

aige, Kiristo Yesu oshiketa Kamui rik oro atak kuni aoshkorobe ari an oshikpekarep orun ku keshke ruwe ne.

Piripoi 3:3

inambe gusu ne yakun, Kamui Ramat ani ongami hene ki, Kiristo Yesu otta yaiomonnure hene ki, samata, kara gusu shomo eyaikopashte-i hene ki chi utara anak ne son no okarituye buri akire utara chi ne ruwe ne:

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

Ekambakbe 2:9

Atpake an, iyoshi no an, rai okere wa ishu ambe ene itak-hi: E ki eramchuptekbe newa e irapokkari an ambe Ku eraman (koroka oteknu ambe e ne), samata, Yudea un utara ne ari yaikota ye a koroka Yudea un utara shomo ne Satan uwekari un utara ne sekorʼan utara iki koatcha ambe Ku eraman.