Yakob 1:27 - Ashiri Aeuitaknup Iyohaichish Yona 1897

²⁷ Chikoro Kamui newa Michihi tek-samata an turu-sak newa shomo echi yaishieiwangere-hi anak ne, tambe ne ruwe ne, — Aeramchuptek wa okai eshikop sak utara newa shiyompiyara shiwentep utara hotanukara, samata, iteki moshiri ani yaiturukotachi kuni ne yaishikkashima ambe ne ruwe ne.

Yakob 1:27 ပူးပေါင်းရင်းမြစ်များ

Iyohaichish 119:1

OUPEKA no ruhu otta okai, Ehoba koro tuitak otta apkash utara anak ne anunuke ne.

Iyohaichish 146:9

Ehoba anak ne oya utara koshiratki; Eshikop sak utara newa shiyompiyara shiwentep nitatpa ruwe ne; Koroka, Shinuma wen utara kon ruhu oheugere ruwe ne.

Iyohaichish 68:5

Koro Ashkanne oshiroma-i ta okai wa, Michi sak guru koro michi ne, shiyompiyara shiwentep gusu koipishi ki Kamui ne ruwe ne.

Mattaios 12:32

Orowa, nen ne yakka Ainu Poho epeka sempiroitak ki guru an yakka atusare kusu ne, koro-ka, nen ne yakka Ashkanne Ramat epeka sempiroitak ki guru anak ne, tan moshirʼotta ne yakka, ek kushki moshirʼotta ne yakka atusare shomoki kusu ne ruwe ne.

Mattaios 5:8

Keutum turu-sak utara anak ne anunuke ne; nei utara Kamui nukan ruwe ne kusu ne gusu ne na.

Roukos 1:6

Nei umurek guru Kamui teksamata oupeka utara ne, oheuge sak no obitta no okai Utarapa ikashpaotte newa esanniyop otta apkash korʼan nisa ruwe ne.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 2:13

tuitak nu utara anak ne Kamui tek-samata oupeka ne ambe shomo ne, koroka, tuitak shikkashima utara aoupekare kusu ne gusu ne na:

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Garatea 3:11

Kamui teksamata tuitak gusu nen ne yakka shomo aoupekare ari an ambe anak ne anukarape ne: inambe gusu ne yakun, aoupekare utara anak ne eishokor-i gusu ishu kusu ne;

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Garatea 6:14

Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

I Timoteos 1:5

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:

I Timoteos 5:4

Koroka, nei shiyompiyara shiwentep anak poho hene mitpo hene koro yakun, nei utara anak ne yaikota koro uni un utara epeka hoshiki no kooripak ki hene koro eshikop utara tasa kore kuni iki yak pirika; tambe anak ne Kamui nupetnerep ne ruwe ne gusu ne na.

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Yakob 3:17

newa obitta no okai wen-buri an gusu ne na. Koroka, rik orowa no an wayashnu-i anak ne hoshiki no turusakbe ne, orowa, itomo irenga korobe ne, rotcha ne, yairotchare kasush ne ambe ne, rampoken newa pirika ikip ani aeshik, utomotne shomoki, kankapkapeka shomoki ruwe ne.

Yakob 3:9

Nei ambe ani chi utara anak ne Utarapa newa Michi ne Kamui ramye ruwe ne; shui, nei ambe ani Kamui katuhu nepkoro korachi akara ainu iyoitakushi ki ruwe ne;

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

II Petros 1:4

tambe gusu, Shinuma anak ne koro aoshkoro newa shi no poro uitaknup un koropare nisa; tap okaibe ani, echi utara anak ne ibeporore ambe gusu moshiri otta okai muninbe orowa no ohaita okere wa, Kamui oma oibe echi orota akoropare kuni gusu an ambe ne ruwe ne.

II Petros 2:20

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

II Petros 3:14

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

I Yoannes 5:18

Nen ne yakka Kamui orowa no hekatu gurʼanak ne katpak shomo ki ruwe ne sekoro chi eraman; koroka, Kamui orowa no hekaturep anak ne Shinuma shikkashima, orowa, wenbe anak ne shomo shinuma tomooshma ruwe ne.