Yakob 1:26 - Ashiri Aeuitaknup Iyohaichish Yona 1897

²⁶ Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

Yakob 1:26 ပူးပေါင်းရင်းမြစ်များ

Iyohaichish 141:3

Aa Ehoba, ku paro samta eyoko guru ande, Ku papush apa shikkashima wa en kore.

Iyohaichish 32:9

Ramu-sak umma newa usagi-umma korachi iteki okai yan: Nei ambe anak ne iteki e orun kopiuki kuni ne, Kuchiwa newa sapa-umbe aunu ruwe ne.

Iyohaichish 34:13

Wenbe gusu koro parumbe shikkasbima, Shunge itak gusu koro papush ukotukka yan.

Mattaios 15:9

Koroka, keutum anak ne En orowa no ukattuima no okai ruwe ne. Koroka, Ainu kara epakashi epakashnu gusu, Raka isam no en koongami ruwe ne,

Markos 7:7

Koroka, raka isam no nei utara en ko-ongami, Ainu kara epakashi ani ipawetenge nei no epakashnu ruwe ne na.

Roukos 8:18

Tambe gusu, nekon a echi nu ya yaitubare yan: inambe gusu ne yakun, koro guru otta naa akore kusu ne; orowa, koro shomoki guru orowa no koro wa an kuni shinuma yainu ambe ne yakka auk kusu ne gusu ne na.

I Korintos 15:15

Ruwe un, chi utara anak ne Kamui gusu shunge paweteshu utara ne kuni anukara ruwe ne; inambe gusu ne yakun, Kamui anak ne Kiristo hetopo-shiknure nisa ruwe ne sekorʼorushpe gusu Kamui koro paweteshu utara chi ne: aige, rai utara hetopo-a-shiknure shomoki chiki, Shinuma anak shomo Kiristo hetopo-shiknure nisa ruwe ne gusu ne na.

I Korintos 15:2

otta echi roshki, gusu ka echi kashiaobiuki ruwe ne, nekon a itak ani echi otta nei ambe eupaskuma ku ki-hi ani, raka isam no echi eishokoro shomoki no nei ap echi shikkashima chiki echi nure ash na.

I Korintos 3:18

Inan guru ne yakka, iteki yaikota yaikokandama yan. Tan moshirʼotta echi tumugeta nen ka wayashnu ne sekoro yaikota gusu yai-yainu guru an chiki, wayashnu guru ne kuni ne, ramu-isambe ne kuni gusu yai-kara yan.

Garatea 2:6

Koroka, pase ne aesanniyo utara orowa (nei utara anak nekon a ambe ne a yakka, en gusu isam korachi ne: Kamui anak ainu ne nep koro shomo uk ruwe ne); nei pase ne aesanniyo utara anak nep ne yakka en kore shomoki ruwe ne,

Garatea 2:9

orowa, en orun koropare an irenga nei utara nukara chiki, ikushpe ne aesanniyo wa an Yakob newa Kepas newa Yoannes anak ne iriwak ne kuni shimon tekehe en otta newa Barnabas otta koropare nisa ruwe ne, tambe anak nei utara okarituye buri akire utara otta paye, orowa, chi utara anak ne Oya utara otta paye ash kuni gusu an ambe ne:

Garatea 3:4

Raka-isam no tap korachi poron no okaibe echi aramushitne ruwe he an? nei ambe son no raka-sakbe ne chiki.

Garatea 6:3

Orowa, nen ne yakka nep aramu ka shomoki ita yaikota yaiokkainere guru an chiki, shinunra anak ne yaikokandama ruwe ne.

Epesos 4:29

Echi paro wano iteki wen itak sange yan, koroka, nu utara otta irenga an kuni gusu eashkai pakno wayashnure pirikap sange yan.

Epesos 5:4

samata, turu-ushbe hene, katchak itak hene, eoya-itak ambe hene, iteki porose yan, tap okaibe oupak no an ambe shomo ne ruwe ne: koroka, makangane ko-yaiiraige ki yan.

Korosai 4:6

Nekon a katu ani pishno an guru orun koese kunip ne ya sekoro echi eraman kuni ne, ramma kane echi ye itak irenga tura asange wa shippo eomare yan.

Yakob 1:19

Ku omap an iriwak utara, onnere yan. Koroka, pishno an guru anak ne nu gusu chashnu, itak gusu moire,

Yakob 1:22

Koroka, echi utara anak ne nei itak ki, iteki ouse nei ambe nu wa echi yaikota yaikokandama yan.

Yakob 2:20

Aa haita guru, ki ikip sak no an eishokor-i anak ne toirenbe ne sekoro onnere shomoki ya?

I Petros 3:10

Inotu omap wa, Pirika toho nukan rusui gurʼanak ne, Wenbe wano koro parumbe eshishire, Koro patoi iteki irarabe ye kuni kara yan: