Yakob 1:22 - Ashiri Aeuitaknup Iyohaichish Yona 1897

²² Koroka, echi utara anak ne nei itak ki, iteki ouse nei ambe nu wa echi yaikota yaikokandama yan.

Yakob 1:22 ပူးပေါင်းရင်းမြစ်များ

Mattaios 12:50

Inambe gusu ne yakun, inan guru ne yakka kando otta an Ku goro Michi irenga ki gurʼanak ne shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne na.

Mattaios 28:20

orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.

Roukos 11:28

Koroka, Shinuma ene itak-hi :— Ruwe un, Kamui itak nu wa shikkashima utara anak ne, nei utara anak makangane anunuke ne ruwe ne.

Yoannes 13:17

Tap okai orushpe echi eraman wa nei no ki yakun echi anunuke an ruwe ne.

Roma 2:13

tuitak nu utara anak ne Kamui tek-samata oupeka ne ambe shomo ne, koroka, tuitak shikkashima utara aoupekare kusu ne gusu ne na:

I Korintos 15:33

Iteki aeyaikokandama yan; wen utara tura ukookai ambe anak ne pirika buri wendep ne ruwe ne.

I Korintos 3:18

Inan guru ne yakka, iteki yaikota yaikokandama yan. Tan moshirʼotta echi tumugeta nen ka wayashnu ne sekoro yaikota gusu yai-yainu guru an chiki, wayashnu guru ne kuni ne, ramu-isambe ne kuni gusu yai-kara yan.

I Korintos 6:9

Samata, oupeka sak utara Kamui moshiri shomo eikeshkoro kusu ne ambe echi erampeutek ruwe he an? Iteki yaikokandama yan: hoiyo utara hene, potoki ko-ongami utara hene, omoinu ikichi utara hene, kuroma buri ki utara hene, okkai turu wen-buri iki utara hene,

Garatea 6:3

Orowa, nen ne yakka nep aramu ka shomoki ita yaikota yaiokkainere guru an chiki, shinunra anak ne yaikokandama ruwe ne.

Garatea 6:7

guru otta nep ne yakka pirika okaibe iki yan. Iteki yaikoshunge yan; Kamui akokandama aeaikap: ainu anak ne nep ne yakka etoita korachi nei ambe ka nanke kusu ne gusu ne na.

Piripoi 4:8

Orokeseta, iriwak utara, nep ne yakka son no arabe, nep ne yakka aeoripak kuni arabe, nep ne yakka oupeka arabe, nep ne yakka turu-sak ambe, nep ne yakka aomap kuni ambe, nep ne yakka pirika assuru koro ambe; nep ka buri pirika ushike an chiki, nep ka ramye kuni ushike an chiki, tap okaibe esanniyo yan.

Korosai 3:17

Orowa, itak otta hene ikip otta hene nep ne yakka echi ki chiki Utarapa ne Yesu Kiristo reihei ankushkeraipo ki, aine, Shinuma korʼirenga gusu Michi ne Kamui otta ko-yaiiraige yan.

II Timoteos 3:13

Koroka, wen utara newa tusu ikichi utara uwepaketa wen ne kusu ne, aine, moshima guru kokandama hemhem ki,

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Yakob 1:26

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

Yakob 4:11

Iriwak utara, utashpa iteki ohaigekara yan. Koro iriwak gusu ohaigekara hene ki, iriwak koipishi hene ki gurʼanak ne tuitak ohaigekara, tuitak koipishi ruwe ne: koroka, eani anak ne tuitak koipishi chiki, tuitak ki guru shomo e ne, koipishi ki guru e ne ruwe ne.

Yakob 4:17

Tambe gusu, pirikap ki katu eraman wa nei ambe shomo iki guru an chiki, shinuma gusu katpak ne ruwe ne na.

II Petros 2:13

iwende ki wa son no poka awende kusu ne na; tokap to ta ko ibesam kuni ambe aenupetnerep ne sekoro yainu, echi newa piri-ushbe, echi tura no marapto ki ita echi koro omap gusu an marapto ko ibesam ruwe ne;

I Yoannes 1:8

Katpak chi sak sekoro chi itak chiki, yaikokandama ruwe ne, orowa, son-i anak ne un oshiketa isam ruwe ne na.

I Yoannes 2:3

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

I Yoannes 3:7

Nokan utara, iteki moshima guru orowa no ayaishirende: oupekap ki gurʼanak ne, Shinuma oupeka korachi,

III Yoannes 1:11

Aomap an utara, wenbe iteki koikara, koroka, pirikap koikara yan. Pirikap iki gurʼanak ne Kamui orowa no an gunʼne; wenbe iki gurʼanak ne shomo Kamui nukan ruwe ne.

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 22:7

Ingarʼan, Tunashi no Ku ek kushki. Tan kambi kata okai uweingara itak shikkashima gurʼanak ne shinunuke an ruwe ne na.