Yakob 1:18 - Ashiri Aeuitaknup Iyohaichish Yona 1897

¹⁸ Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

Yakob 1:18 ပူးပေါင်းရင်းမြစ်များ

Yoannes 1:13

Nei utara anak ne kem utari gusu ahekatpa shomo ne, kam irenga gusu hekatu shomo ne, ainu irenga gusu hekatu shomo ne, koroka, Kamui orowa no ahekatparep ne ruwe ne.

Roma 4:17

Kamui samaketa obitta no okai chi utara koro michi ne ruwe ne (ene chieshinnuye wa an korachi ne :— Inne moshiri uirup koro michi e ne kuni Kuani e kara ash nisa ruwe ne na); nei Kamui anak ne rai-guru shiknure, orowa okai korachi isambe hotuyekan ruwe ne.

I Korintos 4:15

Inambe gusu ne yakun, Kiristo oshiketa ichi man nin ue epakashnu utara echi koro yakka, inne no okai michihi shomo echi kon ruwe ne: Kiristo Yesu oshiketa pirika shongo ani kuani echi shikore nisa ruwe ne gusu ne na.

II Korintos 6:7

shunge sak no an omap ambe otta hene, son no an itak otta hene, Kamui kiroro otta hene; shimontek samata ne yakka hariki-tek samata ne yakka oupeka ne hayokbe ani,

Epesos 1:12

tambe anak etoko wa Kiristo gusu chipachipa ki chi utara anak ne, Shinuma koro arakuru gusu airamye ambe ne kuni ne aki na;

Epesos 1:13

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

II Timoteos 2:15

Oupeka no sone an itak koro, yainikoroshma kuni ika sak no an monraige guru nepkoro, Kamui iramye nei no an guru korachi yaikoropare kuni ne shiarikiki no iki yan.

Hebraios 12:23

kando oshiketa auwatore an hoshiki no hetuku karisia otta, obitta no okai utara koipishi Kamui otta, aeramushinnere okere oupeka utara kon ramat otta echi araki wa okai,

Yakob 1:15

Orowa, yai-keutum iki rusuibe yairat chiki, katpak o: orowa, katpak anak shukup chiki; rai-arabe hetukure ruwe ne.

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

Yakob 3:14

Koroka, keutum ta ikoitupa shiuninbe newa sakayo kane echi koro chiki, iteki yaiomonnure, iteki sonep gusu shunge ki yan.

I Petros 1:23

munin kuni piyehe ani shomo ne, koroka, shiknu wa okai Kamui itak ani munin shomoki piyehe ani echi hekatu wa an gusu, shiarikiki no ramuosshi wano utashpa uweomap yan.

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

I Yoannes 3:9

Nen ne yakka Kamui orowa no hekatu gurʼanak ne katpak shomo ki ruwe ne. Shinuma koro piyehe nei guru onnaigeta oshiroma ruwe ne gusu ne na: nei guru anak ne katpak ki eaikap, Kamui orowa no hekatu nisa ruwe ne gusu ne na.

Ekambakbe 14:4

Tan okai utara anak ne shiwentep tura shomo yaituru-ushte ruwe ne: shiwentep eramushkare utara ne ruwe ne gusu ne na. Tan utara anak nei Pon-hitsuji inanta oman yakka nei osh paye utara ne. Tan utara anak Kamui gusu hemhem, Pon-hitsuji gusu hemhem, aro hoshiki no okai kunip ne kuni gusu ainu tumuge orowa no ahok utara ne ruwe ne.