Titus 3:9 - Ashiri Aeuitaknup Iyohaichish Yona 1897

⁹ ramu-isam upa-hunara ambe hene, ainu ekashi ikiri hene, upaore ambe hene, ukoiki ambe hene, tuitak gusu upaukoiki ambe hene eshishi yan; nei okaibe anak ne pirikare ambe shomo ne wa raka-sakbe ne ruwe ne gusu ne na.

Titus 3:9 ပူးပေါင်းရင်းမြစ်များ

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

I Timoteos 4:7

koroka, momok uwepekere newa bakko ramkoro an uwepekere eshishi yan.

II Timoteos 2:14

Tapan okaibe gusu nei utara eshkarunde yan, aige, ani eyaiepirikare eaikapbe, nu utara oheugere kuni itak gusu upahunara ambe nei utara itek iki kuni ne Utarapa kotchaketa kashpaotte yan.

II Timoteos 2:16

Koroka, momok an oha-hawe eshishi yan: inambe gusu ne yakun, nei okaibe anak ne shomo Kamui kooripakbe gusu naa iki kuni okaibe ne,

II Timoteos 2:23

Koroka, ramu-sak, aerampeutekbe an upahunara ambe eshishi yan, e eraman korachi, nei okaibe anak ne ukoiki ambe hopunire ruwe ne na.

Titus 1:14

uwepekere newa sonep wano ohaitare kuni ainu ki ikashpaotte newa iteki ekottanu yan.

Yakob 4:1

Echi tumugeta okai iki tumi newa ukoiki ambe anak ne hunak wa hetuku ya? Echi koro awehe ta iki eikaunu an keutum gusu shomo hetuku ya?