Titus 3:5 - Ashiri Aeuitaknup Iyohaichish Yona 1897

⁵ yaikota chi iki oupeka an ikip ankushkerai shomo ne, koroka, kanna-shikore furaye ambe newa Ashkanne Ramat ashin no kara ambe ankushkerai hetukup ne,

Titus 3:5 ပူးပေါင်းရင်းမြစ်များ

Iyohaichish 130:7

Aa Israeru un utara, Ehoba gusu chipachipa yan; Ehoba otta rampoken an, Shinuma otta: nuye an no an kikiraye ambe an ruwe ne: gusu ne na.

Iyohaichish 143:2

Orowa, E tek-samata katpak isam no an shiknu guru isam ruwe ne; Tambe gusu, iteki E uitek guru esanniyo wa en kore.

Iyohaichish 51:10

Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

Iyohaichish 62:12

Shui, aa Utarapa, rampoken anak E korope ne: Aokai anak ne obitta no okai utara ki ikip esanniyo wa orota auk kunip kore ruwe ne gusu ne na.

Iyohaichish 86:15

Koroka Aokai, Aa Utarapa, chishikiraine ani eshik wa irenga sange, Irushka moire wa rampokiwen newa sonep nuye an no kon ruwe ne.

Iyohaichish 86:5

Aa Utarapa, Aokai anak ne pirika wa honnere rusui, Samata, E orun konishuk obitta no okai utara otta nuye an no rampoken sange Kamui E ne ruwe ne gusu ne na.

Mattaios 3:11

Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na:

Roukos 1:50

Shinuma ko-ishitoma utara Ikiri ikiri otta poro rampoken an ruwe ne.

Roukos 1:54

Shinuma chikoro ekashi orun; Hembara pakno ne yakka okai Abraham sanikiri orun ye korachi,

Roukos 1:72

Chikoro ekashi otta rampoken kore, Koro ashkanne eitakamkire itak eshkarun gusu ne;

Roukos 1:78

Chikoro Kamui ramu-hauge rampoken an gusu Rik oro nisat pekere un otta hetukure wa

Roma 11:14

nei uni poka, nekon a ka kam gusu ku iri utara aeyaitunnapte hine sereke utara kashiobiuki kuni gusu ne na.

Roma 11:6

Orowa, irenga gusu ne chiki tane Iri ikip ankushkeraipo shomo ne: shomo ne yakun, irenga anak ne tane irenga shomo ne na.

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 3:20

inambe gusu ne yakun, tuitak iki wa gusu nep kam ne yakka Shinuma tek-samata oupeka ne sekoro shomo aesanniyo kusu ne: tuitak ankushkerai katpak aeraman ruwe ne gusu ne na.

Roma 3:28

Tuitak ikip oyapi an wa ainu anak ne eishokor-i ani aoupekare ruwe ne sekoro chi esanniyo ruwe ne gusu ne na.

Roma 4:5

Koroka, shomo ikip ki koroka, Kamui kooripak shomoki utara oupekare Kamui eishokoro guru gusu, shinuma koro eishokor-i anak oupeka ambe ne sekoro aesanniyo ruwe ne.

Roma 9:11

nei okaibe naa shomo shiko, shui, naa shomo pirikap hene wenbe hene ki etokota, anumge an-i korachi

Roma 9:16

Tambe gusu, esanniyo kuni yainu guru gusu an ambe shomo ne, hoyupu guru gusu shomo ne, koroka, erampokiwen wa kore Kamui gusu an ap ne ruwe ne.

Roma 9:30

Yakun, hemanda chi ye kusu ne ya? Oupekap shomo keseamba Oya un utara anak ne, oupeka ambe, eishokor-i gusu an nei oupeka ambe, kon nisa ruwe ne sekoro chi ye kusu ne ya?

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

Garatea 2:16

ashikore wano Yudea un utara chi ne ruwe ne, yakka, ainu anak tuitak ikip gusu aoupekare shomoki no ouse Yesu Kiristo eishokoro ari an ambe ani aoupekare ne sekoro chi eraman gusu, chi utara ne yakka tuitak ikip gusu shomo ne wa Kiristo eishokoro ari an ambe ani a un oupekare kuni ne Kiristo Yesu eishokon nisa ruwe ne na. Inambe gusu ne yakun, inan kara aye yakka tuitak ikip gusu shomo aoupekare kusu ne gusu ne na.

Epesos 2:4

Kamui anak ne nuye an no rampoken koro wa, chi utara koro katpak gusu rai okere yakka,

Epesos 4:23

echi keutum oma ramat ashin no akara wa Kamui gusu,

Epesos 5:26

Shinuma nei no ki ambe anak ne, itak ani wakka otta furaye wa nei karisia turu-sakte, aige, ashkannere hene ki wa,

Korosai 3:10

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

Titus 3:4

Koroka, un kashiobiukip ne Kamui ramu-hauge ambe newa ainu epeka no an omap ambe hetuku an chiki,

Hebraios 10:22

chi utara anak ne eishokor-i eshik wa son no keutum ani, keutum oma wen yainu-hi gusu akochari wa ashkanne wakka ani chikon netobake ayashke hine karange no araki yanro:

Hebraios 4:16

Tambe gusu, a un erampokiwen wa akore kuni ne, samata, aeishiramne an ita chikaobiuki gusu an irenga a un kore kuni ne, rametokkon no irenga koro araset otta karange no araki anro.

Hebraios 6:6

itak newa ek kushki pakihi gusu an kiroro newa sapke hemhem ki hine orowa shui eyaikoemaka utara gusu anak, nei utara anak ne ayaikokatpakte wa ashirikinne eashinno akara eaikapbe ne ruwe ne; nei utara yaikota gusu Kamui Poho kanna-shui utasa chikuni otta kokikkik wa anukan no Shinuma yainikoroshmare ki ruwe ne gusu ne na.

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

I Petros 2:10

etokota anak ne uirup utara shomo echi ne, koroka, tane anak Kamui utara echi ne ruwe ne: etokota anak erampokiwen wa akore shomoki, koroka, tane aerampokiwen wa okai na.

I Petros 3:21

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;