Titus 3:3 - Ashiri Aeuitaknup Iyohaichish Yona 1897

³ Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Titus 3:3 ပူးပေါင်းရင်းမြစ်များ

Iyohaichish 36:2

Inambe gusu ne yakun, koro wen-buri anukara wa aetunne shomoki kusu ne sekoro Yaikota koro shik-samata yairatchitarare ruwe ne gusu ne na.

Mattaios 21:29

Nei guru ese wa :— shomo ku oman, ari itat: orowa, okaketa shinuma yaikokatpak wa oman nisa ruwe ne.

Roukos 21:8

Orowa, Shinuma ene itak-hi :— Iteki moshima guru echi kokandama kuni ne yaitubare yan: inambe gusu ne yakun, inne utara Ku reihei ani hine araki wa :— Kuani Shinuma ne, ani itak pakihi ehange no an: nei utara otta iteki paye yan.

Yoannes 8:34

Orota Yesu ene ese-hi :— Son no son no echi otta Ku ye, nen ne yakka chikokatpak an gurʼanak ne katpak otta ausshiunere an guru ne ruwe ne.

Roma 11:30

Inambe gusu ne yakun, teeda echi utara anak ne Kamui koitakkashi korachi, koroka, tane nei utara itakkashi ambe gusu erampokiwen wa akore nei no,

Roma 6:12

Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;

Roma 6:17

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

Roma 6:22

Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

Roma 6:6

chikoro onne ainu Shinuma tura no utasa chikuni otta akotukka, chikokatpak an netobake aisamka wa tewa no chikokatpak orun ausshiunere shomoki kuni gusu chi eraman wa an ruwe ne gusu ne na;

II Korintos 12:20

Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;

Garatea 6:3

Orowa, nen ne yakka nep aramu ka shomoki ita yaikota yaiokkainere guru an chiki, shinunra anak ne yaikokandama ruwe ne.

Korosai 1:21

Orowa, echi utara anak ne etoko wa echi wen ikichi arabe gusu echi koro keutum oshke uwoyake an hine epokba utara echi ne a yakka,

Korosai 3:7

orowa, tap okaibe otta echi shiknu wa an rapoketa, otta eeshiri echi utara ne yakka apkash nisa ruwe ne na.

II Timoteos 3:13

Koroka, wen utara newa tusu ikichi utara uwepaketa wen ne kusu ne, aine, moshima guru kokandama hemhem ki,

II Timoteos 3:6

tap okai utara wano eyaishishire yan. Tap okai utara wano usa chisei orun reyepa ahup hine chikokatpak sei ehaita shiwentep tek-pashte, usa okai wenbe ki rusui keutura an gusu aani,

Titus 1:16

Nei utara anak ne Kamui eamkiri ari itak; koroka, aetunnep ne, itakkashi utara ne, nep pirika ikip gusu ne yakka aemakbap ne wa gusu koro iki ikip ani Shinuma eshikeshke utara ne ruwe ne.

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Yakob 1:26

Inan guru ne yakka, Kamui otta yaishieiwangere guru ne sekoro yaiyainu wa, koro parumbe shikkashima shomoki no, kon ramat kokandama chiki, nei guru ki yaishieiwangere ambe anak ne raka isambe ne ruwe ne.

I Petros 1:14

itaknu poho utara korachi ki wa eramushkare ita ki korachi iteki ibeporore ambe otta yaikoropare yan;

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 18:2

Orowa, shinuma rui hau ani hawe ashte wa ene itak-hi :— Hokush okere, nei poro Babironia hokush wa an wa nitne kamui koro oshiroma-i ne akara, nep ichakkere ramat ne yakka, nep turu-sak wa aetunne kuni gusu an chikap ne yakka okai kuni pakashnu ushike ne akan na.