Titus 2:12 - Ashiri Aeuitaknup Iyohaichish Yona 1897

¹² aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Titus 2:12 ပူးပေါင်းရင်းမြစ်များ

Iyohaichish 105:45

Nei ambe anak nei utara Shinuma koro ekambakbe shikkashima hene ki, Koto tuitak nei no ki kuni an ambe ne. Yah ramye yan.

Iyohaichish 4:3

Ehoba anak ne yaikota gusu ashkanne guru eyaiyupki nisa ruwe ne, sekoro, eramu an no okai yan: Ehoba anak otta ku konishuk hawe nu kusu ne na.

Mattaios 12:32

Orowa, nen ne yakka Ainu Poho epeka sempiroitak ki guru an yakka atusare kusu ne, koro-ka, nen ne yakka Ashkanne Ramat epeka sempiroitak ki guru anak ne, tan moshirʼotta ne yakka, ek kushki moshirʼotta ne yakka atusare shomoki kusu ne ruwe ne.

Mattaios 16:24

Orowa no Yesu anak ne koro koikara utara otta ene itak-hi :— Nen ne yakka, En osh ek kuni ramu guru an chiki, yaikota yaieshina wa koro utasap ani wa En osh ek yan.

Mattaios 28:20

orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.

Roukos 1:6

Nei umurek guru Kamui teksamata oupeka utara ne, oheuge sak no obitta no okai Utarapa ikashpaotte newa esanniyop otta apkash korʼan nisa ruwe ne.

Roukos 1:75

Ishitoma shomoki no Shinuma otta chi utara yaieiwangere kuni ne, Un epokba utara tekehe wano un honnere ruwe ne.

Yoannes 14:30

Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;

Yoannes 6:25

Orowa, atui ikushketa Shinuma an shiri nei utara nukara chiki, orota ene itak-hi :— Rabbi hembara ta teda E ek ruwe?

Apostoro ikip oma kambi 24:16

Tap okaibe gusu poka ramma Kamui epeka no me yakka ainu epeka no ne yakka ureepetchiu isam no an keutura ku koro kuni ne yaikota ku ikichi ruwe ne na.

Apostoro ikip oma kambi 24:25

Orowa, shinuma oupeka ambe gusu hemhem, yaishikkashima ambe gusu hemhem, ek kushki koipishi ambe gusu hemhem eukoyupekere rapoketa, Ferik kimatek wa ene itak-hi :— Tane gusu paye yan; pirika pakihi ku nukara wa e hotuyekara ash kusu ne na, ari itak

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

Roma 6:12

Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;

Roma 6:19

Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

Roma 8:13

inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 7:1

Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Garatea 5:24

Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Korosai 1:22

Shinuma kotchaketa ashkanne newa turu-sak newa wen-buri sak no echi roshkire kuni ne, tane, Shinuma rai arabe koro kara netobake oshiketa irenga usaraye nisa ruwe ne:

I Tessaronike 4:7

Kamui anak ne ichakkere ambe un kire gusu un nishuk shomoki, un turu-sakte gusu un nishuk nisa ruwe ne.

I Tessaronike 4:9

Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

I Timoteos 4:12

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

I Timoteos 6:17

Tan moshiri ta okai wa oteknu utara anak ne iteki yaiesanniyorire hene ki, iteki autumotne an ikoro eyaikopashte hene ki, koroka, ani eyainupetnere kuni gusu nuye an no obitta no okaibe un kore Kamui eyaikopashte kuni ikashpaotte yan;

I Timoteos 6:9

Koroka, yaieoteknure rusui utara anak ne, isamka ambe newa wen ushike ta utara esumba wa aronnu korachi an akoramnukara ambe newa akbe newa inne no okai ohaita iwende ibeporore ambe oro-oshma ruwe ne.

II Timoteos 3:12

Ruwe un, inan guru ne yakka Kiristo Yesu oshiketa Kamui kooripak an no ishu kusu ne sekoro ramuoshitchiu gurʼanak ne aepokba kusu ne.

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

Hebraios 8:11

Orowa, nei utara pishno anak ne heru machiya un guru hene, Utara pishno koro iriwak otta hene :— Utarapa eamkire yan, ari an ambe ani shomo epakashnu kusu ne: Inambe gusu ne yakun, nei utara iyotta ponbe orowa no iyotta porobe pakno, Obitta En eamkiri kusu ne gusu ne na.

Yakob 1:27

Chikoro Kamui newa Michihi tek-samata an turu-sak newa shomo echi yaishieiwangere-hi anak ne, tambe ne ruwe ne, — Aeramchuptek wa okai eshikop sak utara newa shiyompiyara shiwentep utara hotanukara, samata, iteki moshiri ani yaiturukotachi kuni ne yaishikkashima ambe ne ruwe ne.

II Petros 2:9

Utarapa anak ne Kamui ko-oripak utara akoramnukara-i ohaitare katu eraman, samata, koipishi toho pakno apanakte kuni gusu oupeka sak utara shikkashima katu eraman;

II Petros 3:11

Tap korachi tap okaibe nin wa aisamka kuni ambe ne sekoro chi eraman gusu, turu-sak no moshiri koishu hene ki,

I Yoannes 2:27

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.

I Yoannes 2:6

Shinuma onnaigeta ku riya sekoro ye gurʼanak ne, Shinuma apkash nisa korachi nei guru poka yaikota apkash kunip ne ruwe tapan na.

I Yoannes 5:19

Chi utara anak ne Kamui orowa no okai utara chi ne sekoro chi eraman, orowa,

Youdas 1:18

okese an paki ita yaikota koro Kamui koatcha an hoiyo keutum nei no apkash wa eoyaitak ki utara araki kusu ne, ari an itak ani echi epakashnu

Ekambakbe 14:12

Kamui ikashpaotte newa Yesu gusu an eishokor-i newa shikkashima utara otta, tata otta yaiyupupu ambe an na.