Titus 1:4 - Ashiri Aeuitaknup Iyohaichish Yona 1897

⁴ Michi ne Kamui newa chikoro Utarapa ne Kiristo Yesu orowa no irenga newa itomo an kuni akoramkon na.

Titus 1:4 ပူးပေါင်းရင်းမြစ်များ

Roukos 2:11

inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne.

Yoannes 4:42

aige, nei shiwentep otta ene hawe okai-hi :— Tane anak ne e ye itak gusu chi eishokoro shomoki: chi utara yaikota chi nu wa son no newa tambe anak ne moshiri kashiobiuki kunip ne sekoro chi eramʼan ruwe ne gusu ne na, ani itak.

Roma 1:12

nei ambe anak ne echi tura no ku an wa echi korobe ne yakka ku korobe ne yakka uko-iki eishokor-i ani tura no aomaoma kuni gusu an ap ne ruwe ne.

Roma 1:7

Roma kotan ta obitta no okai Kamui orowa no aomap an utara, ashkanne utara ne kuni gusu akonishuk utara otta: echi utara otta chikoro Michi ne Kamui newa Utarapa ne Yesu Kiristo orowa no irenga newa itomo an na.

II Korintos 12:18

Titus ku onishnishi nisa, orowa, shinuma tura nei iriwak ne guru ku omande Titus anak ne echi kokandama wa eyaiepirikare nisa ruwe he an? Ukorachi an Ramat otta shomo chi apkash ash ya? Ukorachi an kochihi otta shomo apkash ash ruwe he an?

II Korintos 2:13

ku iriwak ne Titus shomo anukara gusu ku ramat shiturire eaikap nisa ruwe ne: aige, uwetut-kopak wa Makedonia moshiri orun ku oman nisa ruwe ne.

II Korintos 4:13

Koroka, ukorachi an eishokor-i oma ramat chikoro hine ene ene chieshinnuye wa an korachi, — Ku eishokon nisa, tambe gusu ku ye ruwe ne; chi utara ne yakka eishokoro, tambe gusu itak ne yakka ki ruwe ne;

II Korintos 7:6

Yakka, yaieoripakka utara omaoma Kamui anak ne, Titus ek-hi ani un omaoma ruwe ne;

II Korintos 8:16

Koroka, nei ukorachi an echi utara gusu seisek no iki rusui keutum Titus koro sambe ta omare Kamui otta koyaiiraige an na.

II Korintos 8:23

Titus gusu uwepekennu guru an chiki, shinuma anak echi utara gusu en tura no iki wa monraige korʼan ruwe ne; chikoro iriwak utara gusu echi uwepekennu chiki, nei utara anak karisia utara koro apostoro utara ne, Kiristo koro araguru ne ruwe ne.

II Korintos 8:6

Etoko wano Titus anak ne eatpake ki korachi shinuma echi oshiketa tan irenga ne yakka eramushinnere kuni ne chi utara shinuma onishnishi pakno ne ruwe ne.

Garatea 2:3

Koroka, en tura no an Titus anak Herenes un guru ne a yakka okarituye buri akire kuni shomo aki ruwe ne:

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Epesos 1:2

Chikoro Michi ne Kamui newa Utarapa ne Yesu Kiristo orowa no irenga newa itomo echi gusu an an.

Korosai 1:2

Korosai kotan ta oshiroma Kiristo oshiketa okai ashkanne utara newa ikipniukesh uiriwak utara orun kambi omande na: chikoro Michi ne Kamui orowa no irenga newa itomo echi gusu anro.

I Timoteos 1:12

En eashkaire chikoro Utarapa ne Kiristo Yesu ku koyaiiraige na, Shinuma anak ne ikipniukesh guru ku ne sekoro esanniyo hine otta ku yaishieiwangere kuni ne en atte nisa ruwe ne gusu ne na;

II Timoteos 1:1

Kiristo Yesu oshiketa an inotu akore kuni eitakamkire an korachi Kamui irenga ankushkerai Kiristo Yesu koro Apostoro ne Pauros ku ne anak ne, ku omap an poho Timoteos otta kambi omande na:

II Timoteos 1:2

irenga hemhem rampoken hemhem itomo hemhem Michi ne Kamui newa chikoro Utarapa ne Kiristo Yesu orowa no an kuni akoramkon na.

Titus 1:3

koroka, Shinuma anak ne koro pakihi ta nei shongo ani koro itak sarare, aige, chikoro un kashiobiukip ne Kamui kashpaotte nei no nei ambe a en shikkashimare nisa ruwe ne;

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

II Petros 2:20

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

II Petros 3:2

ashkanne uweingara utara etokota ye itak hene echi eshkarun, samata, echi koro Apostoro utara gusu an Utarapa newa Kashiobiukip sange ikashpaotte hene echi eshkarun kuni ambe ne:

I Yoannes 5:14

Orowa, Shinuma gusu chi utara rametok koro ki a ambe anak ne tapne ne: Shinuma korʼirenga an korachi nep ne yakka chi koramkoro yakka,

Youdas 1:3

Aomap an utara, chi utara gusu an kashiobiuki ambe gusu echi otta ku nuye kuni irammakaka ku esanniyo ita, echi utara anak ne nei arashui no ashkanne utara otta akore aeishokor-i gusu shiarikiki no uwetushmak ki kuni nekon a ka echi onishnishi ash kusu ne sekoro ku yainu wa ku nuye nisa ruwe ne.