Titus 1:2 - Ashiri Aeuitaknup Iyohaichish Yona 1897

² ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Titus 1:2 ပူးပေါင်းရင်းမြစ်များ

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 25:46

Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Markos 10:30

toi hene are wa, tane an pakihi ta ashikne hotne pakno shomo akore guru isam ruwe ne; chisei hemhem, okkai ainu uiriwak hemhem, matne ainu uiriwak hemhem, unu hemhem, po utara hemhem, toi hemhem, aepokbap tura no koro; orowa, ek kushki moshiri ta hembara pakno ne yakka shiokere shomoki inotu kon ruwe ne kusu ne na.

Yoannes 10:28

orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Yoannes 17:24

Michi, Aokai En kore utara anak ne Ku an ushiketa nei utara ne yakka En tura no okai kuni Ku kon rusui; nei utara anak ne Aokai En kore arakuru nukara kuni gusu ne na: Aokai anak ne moshiri heashi etokota En omap nisa ruwe ne gusu ne na.

Yoannes 5:39

Echi utara, anak ne Kamui kambi-sosh uwande ruwe ne, nei ambe gusu ramma okere shomoki inotu echi kon ruwe ne ani echi esanniyo ruwe ne gusu ne na nei ambe anak ne En gusu paweteshu ki ambe ne;

Yoannes 6:54

Ku kam e, Ku kem iku gurʼanak ne ramma okere shomoki inotu koro; orowa, okese an toho ta Kuani shinuma hetopo Ku shiknure kusu ne na.

Yoannes 6:68

Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.

Apostoro ikip oma kambi 15:18

Sekoro, moshiri heashi wano tap okaibe eramande Utarapa ye ruwe ne.

Roma 1:2

Etoko wano koro uweingara utara ani ashkanne kambi kata nei pirika shongo an wa koro Poho gusu Shinuma eitakamkire nisa:

Roma 16:25

Orosama, ku sange shongo newa Yesu Kiristo aeupaskuma ambe an nei no, otusashuishiri wano an pakihi pakno anu shomoki no ashikkashima, koroka,

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 5:2

Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

Roma 5:21

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

Roma 5:4

orowa, yaiyupupu ambe anak ne auwande-hi hetukure; auwande ambe anak ne chipachipa kuni ambe atte ruwe ne sekoro chi eraman: orowa, chipachipa ambe anak ne yainikoroshmare shomoki ruwe ne;

Roma 6:23

Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

I Tessaronike 2:15

nei utara anak ne Utarapa ne Yesu newa uweingara utara ronnu, orowa, un okeuba hemhem ki, shomo Kamui nupetnere hemhem ki, obitta no okai utara epokba hemhem ki;

I Tessaronike 5:8

Koroka, chi utara anak ne tokap to un utara chi ne ruwe ne gusu, eishokor-i newa omap an rerara-kotukbe unu hine yairamatte wa okai anro; samata, kane-pon-kasa gusu kashichiobiuki ne chipa-chipa arabe koro anro.

I Timoteos 6:12

ramushiroma ambe keseamba yan. Eishokor-i gusu an pirika tumi iki yan, otusashuishiri pakno an inotu shikkashima yan, nei ambe gusu e nishuk an okere, samata, inne utara shik-samata pirika paweteshu ambe e ki nisa ruwe ne.

I Timoteos 6:19

pirika iki ambe gusu nuye an no iki, eimek wa utara tura no koro hine iyoshi no ek kusu ne pakihi gusu, yaikota gusu pirika asamaha ande wa nei inotu, son no inotu, aeumashnure kuni ne kashpaotte yan.

II Timoteos 1:1

Kiristo Yesu oshiketa an inotu akore kuni eitakamkire an korachi Kamui irenga ankushkerai Kiristo Yesu koro Apostoro ne Pauros ku ne anak ne, ku omap an poho Timoteos otta kambi omande na:

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

II Timoteos 2:13

chi utara anak ne sone ambe shomo ne a yakka, Shinuma ramma sonep ne; Shinuma yai-eshikashke eaikap ruwe ne gusu ne na.

II Timoteos 2:15

Oupeka no sone an itak koro, yainikoroshma kuni ika sak no an monraige guru nepkoro, Kamui iramye nei no an guru korachi yaikoropare kuni ne shiarikiki no iki yan.

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Titus 2:7

nep ne yakka gusu eani anak ne pirika ikip epeka yaikota y aekoikarabe ne yai kara yan; epakashi gusu oheuge sak,

Titus 3:7

tambe anak ne chi utara Shinuma koro irenga gusu aoupekare wa otusashuishiri pakno an inotu echipachipa ambe an korachi eikeshkoro utara ne akara kuni gusu an ambe ne ruwe ne.

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.

Youdas 1:21

Kamui omap-i otta yaishikkashima, shiokere shomoki inotu gusu an chikoro Utarapa ne Yesu Kiristo koro rampoken etere hine, echi koro iyotta turu-sak an eiskokorope kata yaiashtere yan.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.