Titus 1:12 - Ashiri Aeuitaknup Iyohaichish Yona 1897

¹² Nei utara tumuge un shinen, nei utara yaikota koro shine uweingara guru ene itak-hi :— Krete kotan un utara anak ne ramma shunge utara ne, wen chikoikip, toranne ibekashpa utara ne ruwe ne, ari itak.

Titus 1:12 ပူးပေါင်းရင်းမြစ်များ

I Timoteos 4:2

ambe ankushkerai seisek kani ani korachi koro keutura auhuyeka wa eishokor-i gusu eyaikoemaka kusu ne ari Ramat anak irammataka ye ruwe ne;

Roma 16:18

Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

Apostoro ikip oma kambi 17:28

chi utara anak ne Shinuma otta ishu hemhem ki, moimoige hemhem ki, an katuhu koro hene ki ruwe ne gusu ne na; yaikota echi koro yukara ki utara ye-hi korachi :— Chi utara anak ne Shinuma koro santek chi ne ruwe ne na.

II Petros 2:15

aige, oupeka sakbe iki gusu an pummaha konoburu Beor poho Beraam kon ru otta apkash wa,

II Petros 2:12

Koroka, tan utara anak ramu-sakbe, chikoikip nepkoro gusu aki kuni an buri koro wa akoiki hene ki a wende hene ki kuni ne hekatu erampeutekbe koatcha, tan utara auak ne, koro ki oupeka sak pummaha gusu aewende,

Apostoro ikip oma kambi 2:11

Kurete un utara newa Arabia un utara hene, chikoro kotan un itak ani nei utara anak ne Kamui kiroro ki ikip ye-hi chi nu ruwe ne, sekoro itak.

Apostoro ikip oma kambi 27:7

Orowa, inne toho uturu rera wen wa gusu noratchitara atuitomotuye wa an aine Knidos kotan samake araki ash chiki, Sarmone moshiri samta an Kuretos kotan sempirike akush;

Apostoro ikip oma kambi 27:12

Orowa, mata uturuta riya kuni nei tomari pirika shomo ne wa gusu, nei ushike wano atuitomotuye hine neum poka aine Poineka kotan koshirepa wa mata riya kuni ne utara poro sereke onishnishi nisa ruwe ne; nei kotan anak ne Kuretos moshiri ta an matnau newa okoipok un rera oro epeka hosari wa an tomari ne ruwe ne.

Apostoro ikip oma kambi 27:13

Orowa, okoipok un rera hauge no ash chiki, aoshitchiu arabe tane an ari yainu gusu, kaite yange wa Kuretos moshiri atui sam ehange no atuitomotuye nisa ruwe ne.

Piripoi 3:19

nei utara okere-i anak ne aisamka ambe ne, koro Kamui anak koro honihi ne, aeyainikoroshma kuni ambe iramye, nioshirʼotta okaibe esanniyo ruwe ne.

Titus 1:5

Tambe gusu, Krete kotan ta e ande ash nisa ruwe ne, eikohaye okaibe e shitchashnure hene ki, ku e kashpaotte ash korachi, pishno an machiya oshiketa ekashi atte hene e ki kuni ne e ande nisa;