Roukos 9:7 - Ashiri Aeuitaknup Iyohaichish Yona 1897

⁷ Orowa, Tetrakes Herod anak ne aki orushpe obitta nu: awa, keutum chiutumashbare wa an ruwe ne, inambe gusu ne yakun, Yoannes rai orowa no hetopo-a-shiknure ani itak guru okai;

Roukos 9:7 ပူးပေါင်းရင်းမြစ်များ

Iyohaichish 73:19

Hemanda nei utara anak ne kuripanpange no awende humi! Ishitoma wa nei utara ara aisamka ruwe ne.

Mattaios 11:2

Ipakashnu chisei ta an Yoannes anak ne Kiristo iki ambe nu chiki, koro koikara utara payere wa Shinuma otta ene yere ki :—

Markos 8:28

Orota nei utara ene ye-hi :— Baptisma kore Yoannes ne ari ye utara okai: Ericha ani ye utara okai; koroka, moshima utara anak, uweingara utara tumuge un shine uweingara guru E ne ruwe ne, ani ye ruwe ne, sekoro itak.

Roukos 13:31

Nei pakiheta anak ne Parisee un utara araki wa Shinuma otta ene itak-hi :— Oyakta paye yan, tewa no oman, Herod anak ne E raige kuni yainu wa okai ruwe ne gusu ne na, ari itak.

Roukos 21:25

Orowa, tokap chup otta hene, kunne chup otta hene, nochiu otta hene shiroshi okai kusu ne; riri newa atui sash humi gusu sambe-kokuruse wa moshiri kata okai uirup yairamhekonro kusu ne;

Roukos 23:7

Orowa, Herod shikkashima moshirʼun guru ne sekoro nu wa eramʼ-an koro, nei toho ta yaikota Yerusarem kotan ta an Herod otta Shinuma omande nisa ruwe ne.

Roukos 3:1

Tibirias Kaisaros anak ne moshiri shikkashima ashikne ikinne ikashima wan ikinne an paha ta Pontio Pirato anak Yudea moshiri epungine wa an; Herod anak ne Gariraya moshiri esapane wa an; koro iriwak Piripos anak ne Itouraya kotan newa Trakonitis kotan esapane wa an; Rusanios anak ne Abirene kotan esapane wa an;

Roukos 9:19

Baptisma kore Yoannes ne ari ye utara okai; Ericha E ne ruwe ne ari ye utara ka okai; koroka, fushkotoita an uweingara guru shui hopuni ruwe ne ani ye utara ka okai ruwe ne, ari itak.