Roukos 9:5 - Ashiri Aeuitaknup Iyohaichish Yona 1897

⁵ Orowa, nen ne yakka echi uk shomoki utara, otta epeka paweteshu ne gusu, nei kotan ekohopi ita echi chikiri ush koponchi tuituye yan, ari itak.

Roukos 9:5 ပူးပေါင်းရင်းမြစ်များ

Mattaios 10:18

ruwe un, Ku rengap gusu moshiri esapane utara shik-samata hene, moshiri epungine utara tek samata hene echi nimba an kusu ne, tambe anak ne nei utara gusu hene, oya moshirʼun utara gusu hene shirosh ne kusu ne na.

Markos 6:11

Orowa, nep ushike ne yakka echi uk shomoki no shomo echi nu chiki, nei ushike orowa no echi paye koro, nei utara epeka no an paweteshu ne gusu echi chikiri pok ush koponchi tuituye yan, ari itak.

Markos 9:37

Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.

Roukos 10:16

Hedes pakno e range an kusu ne na. Echi nu guru anak ne En nu ruwe ne: orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.

Roukos 5:14

Aige, nen ne yakka iteki nure kuni ne Shinuma kashpaotte: koroka, e oman wa Kamui kora kenru esapane guru otta yainukare, samata, nei utara otta paweteshu ne gusu Mose eikashpaotte nei no e aash-kannere gusu an ayangep yange yan, ari itak.

Roukos 9:4

Samata, nep chisei ta echi ahup yakka nei chisei ta riya, orowa nei chisei wano paye.

Roukos 9:48

Nen ne yakka Ku reihei rengap gusu tan pon guru uk guru anak ne En uk ruwe ne: samata, nen ne yakka En uk gurʼanak ne En omande guru uk ruwe ne: inambe gusu ne yakun, obitta no echi utara tumugeta an iyotta pon guru anak ne, nei guru anak pase ruwe ne, sekoro itak.

Apostoro ikip oma kambi 13:51

Koroka, nei utara anak ne machiya un utara epeka chikiri ush koponchi tuituye wa, Ikoniom kotan ta araki.

Apostoro ikip oma kambi 18:6

Orowa, nei utara anak ne eshishi wa koatcha yakun, shinuma koro raipi tuituye wa ene itakhi :— Echi koro kem anak ne yaikota echi koro sapa kata an na; Kuani anak ne turu-sakbe ne: tewa no Oya uirup orun ku oman kusu ne na.