Roukos 9:45 - Ashiri Aeuitaknup Iyohaichish Yona 1897

⁴⁵ Koroka, nei utara tap itak erampeutek, nei ambe iteki aeram' an kuni ne anuina wa an kusu ne gusu ne na: orowa, tan itak gusu uwepekennu kuni ishitoma nisa ruwe ne.

Roukos 9:45 ပူးပေါင်းရင်းမြစ်များ

Mattaios 16:22

Orowa, Petros anak ne Shinuma uk wa kosakayokara hine ene itak-hi :— Aerampokiwen wa akore, Utarapa, tap okaibe anak ne ara E epeka shomoki kusu ne na, sekoro itak.

Mattaios 17:22

Orowa, Gariraya moshiri ta okai rapoketa, nei utara otta Yesu ene itak-hi :— Ainu poho anak ne utara teke otta aekoshi kusu ne; orowa utara orowa no araige, aige, rereko an ita hetopo-a-shiknure kusu ne,

Markos 9:10

Awa, shinuma utara tan itak shikkashima; orowa no, rai i orowa no hetopo-shiknu sekorʼan itak itak ibehe, nekon a ibehe ne nangoro ya ani an ambe ani utashpa uwepekennu nisa ruwe ne.

Markos 9:32

Koroka, utara anak ne nei itak ibehe erampeutek, samata, otta ibehe nu kuni ishitoma ruwe ne.

Roukos 18:34

Orowa, nei utara anak ne obitta tap okaibe oara erampeutek: tan okai itak nei utara otta anuina wa okai gusu, aye okaibe ramepakari eaikap nisa ruwe ne na.

Roukos 2:50

Orota Yesu ye itak ikkewehe nei utara erampeutek nisa ruwe ne na.

Roukos 9:46

Orowa, inan guru iyotta pase guru ne kusu ne ya sekorʼan upakoiki ambe anak ne nei utara tumta ahun nisa ruwe ne. Koroka,

Yoannes 12:16

Koro koikara, utara anak ne atpaketa tap okaibe erampeutek: koroka, Yesu anak anupekte okaketa, nei ita anak ne tap okaibe Shinuma gusu chieshinnuye wa an shiri, samata, tap okaibe Yesu gusu iki nisa ruwe ne shiri, eshkarun nisa ruwe ne na.

Yoannes 12:34

Tambe gusu, inne utara Shinuma otta ene ese-hi :— Kiristo anak ne ramma an kusu ne shiri tuitak kata chi nu: awa, nekon a Ainu Poho ayange kusu ne ap sekoro E ye ya? Tan Ainu Poho nen ne ruwe he an?

Yoannes 14:5

Orota Tomas ene itak-hi :— Utarapa, otta E oman ushike chi erampeutek; hemanda ani nei ruhu chi eraman ya? ani itak.

Yoannes 4:33

Tambe gusu koikara utara utashpa ene itak-hi :— Nen ka Shinuma ibere guru an a?