Roukos 9:19 - Ashiri Aeuitaknup Iyohaichish Yona 1897

¹⁹ Baptisma kore Yoannes ne ari ye utara okai; Ericha E ne ruwe ne ari ye utara ka okai; koroka, fushkotoita an uweingara guru shui hopuni ruwe ne ani ye utara ka okai ruwe ne, ari itak.

Roukos 9:19 ပူးပေါင်းရင်းမြစ်များ

Mattaios 14:2

orushpe nu wa — Tan guru anak Baptisma kore Yoannes ne, rai orowa no hetopo-shiknu nisa ruwe ne, tambe gusu otta tan okai kiroro unbe aki ruwe ne, ari koro uitek utara otta ye.

Mattaios 3:1

Nei toho ta Baptisma kore Yoannes anak ne Yudea moshirʼun nup otta ek wa upaskuma ki hine ene itak-hi :—

Markos 6:14

Orowa, Moshiri shikkashima guru Herod anak ne nei orusbpe nu; Shinuma kon reihei assuru aashte wa an ruwe ne gusu ne na: aige, ene itak-hi :— Baptisma kore Yoannes rai-i orowa no hetopo-a-shiknure, tambe gusu tap kiroro an ambe Shinuma oshiketa iki ruwe ne, ari itak.

Markos 6:15

Koroka, Ericha ne ruwe ne ani ye utara okai. Orowa, uweingara guru hene uweingara guru korachi hene ne ruwe ne ani itak utara okai.

Roukos 9:18

Orowa, Shinuma shinen ne po inonno-itak ki wa an, awa, koro koikara utara tura no okai ruwe ne: orowa :— Kuani anak inan guru Ku ne ya inne topaha utara ye ruwe he an? ani Shinuma ko-uwepekennu. Nei utara ese wa ene itak-hi :—

Roukos 9:20

Orota Shinuma ene itak-hi :— Koroka, echi okai utara anak ne inan guru Ku ne ya sekoro echi ye ruwe he an? Petros ese wa :— Aokai anak ne Kamui koro Kiristo E ne ruwe ne, ani itak.

Yoannes 1:21

Orota nei utara ene uwepekennu-hi :— Yakun, nep ta? Ericha e ne ruwe he an? Shinuma, shomo, sekoro itak.

Yoannes 1:25

Yoannes otta nei utara nu wa ene itak-hi :— Eani anak ne Kiristo shomo ne, Ericha shomo ne, nei uweingara guru shomo e ne yak anak ne, nep gusu baptisma e kore ya? sekoro itak.

Yoannes 7:40

Tambe gusu, inne utara un serekehe anak ne tan itak nu chiki ene itak-hi :— Son no poka tambe anak nei uweingara guru ne, ari itak.

Yoannes 9:17

Tambe gusu, shui nei utara anak ne nei shiknak guru otta ene itak-hi :— E koro shiki maka gusu Shinuma epeka no nekon a e ye ya, ari itak. Shinuma anak uweingara guru ne, ani nei guru ye nisa ruwe ne.