Roukos 8:34 - Ashiri Aeuitaknup Iyohaichish Yona 1897

³⁴ Buta reshpa utara anak ne nei hetuku orushpe nukara chiki; kira wa machiya otta hene kotan otta hene nure nisa ruwe ne.

Roukos 8:34 ပူးပေါင်းရင်းမြစ်များ

Mattaios 28:11

Nei utara paye rapoketa anak ne, ingarʼan, pungi utara nimaraha machiya otta paye wa Kamui kora kenru esapane guru orota nei hetuku okere orushpe obitta nure nisa ruwe ne.

Mattaios 8:33

Orowa no, buta reshpa utara anak ne machiya ko-kira wa paye, aige, tan orushpe newa nitne kamui shikatkari utara orushpe ye nisa ruwe ne.

Markos 5:14

Orowa, nei buta reshpa utara kira wa machiya otta hene kotan otta hene nei orushpe assuru ashte nisa ruwe ne. Orowa, nekon a orushpe hetuku nisa ruwe he an ingara gusu utara anak ne araki nisa ruwe ne.

Roukos 8:33

Aine, Shinuma ramuoshma nisa ruwe ne. Awa, nitne kamui utara nei ainu orowa no oaship wa buta orun ahup: aige, buta topaha nupuri kotoro rap wa to orun ahup hine eteye wa rai nisa ruwe ne.

Roukos 8:35

Awa, nei wa ambe nukara gusu utara paye; orowa, Yesu orota araki chiki orowa no nitne kamui oaship ainu anrip imi wa keutura yaieashiri kara wa an wa Yesu chikiri samaketa a wa an-i nukara, orowa no, shinuma utara ishitoma shiriki okai.