Roukos 8:31 - Ashiri Aeuitaknup Iyohaichish Yona 1897

³¹ Orowa, iteki kashpaotte wa asam sak ushike un apayere kuni gusu Shinuma koramkoro nisa ruwe ne.

Roukos 8:31 ပူးပေါင်းရင်းမြစ်များ

Mattaios 25:41

Nei ita anak ne ohariki samta okai utara otta ka ene itak kusu ne-hi :— Aiyoitakushi echi utara, En orowa no paye wa Nitnep newa koro hauturunbe gusu etokooiki wa an hembara pakno ne yakka ush shomoki abe otta ahup yan:

Roukos 8:28

Nei guru Yesu nukara chiki hawe ashte hine Shinuma kotchaketa hachiri wa oro mau soyoshma hine ene itak-hi :— Iyotta rikun Kamui Poho Yesu, E otta nep irenga ku an a? Iteki en panakte kuni ku koramkon na, ani itak.

Roukos 8:32

Orowa, nei kotan un nupuri kata ibe wa okai inne buta topaha an ruwe ne: awa, nei buta tumuge un ahup kuni ramuoshmap koramkon nisa.

Roma 10:7

shui, asam-saki ran kusu ne guru hunna ruwe he an? (nei ambe anak rai-i orowa no Kiristo yange kuni gusu nep) iteki ye yan.

Ekambakbe 11:7

Orowa, nei utara anak ne koro iki paweteshu ambe okere chiki, nei asam-sak ushike wano herashi ek chikoikip anak tura no tumi-koro hine annokara wa ronnu kusu ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne:

Ekambakbe 9:11

Orowa, nei utara okkeu kashita an sapanep anak ne asam-sak shui koro hauturumbe ne; Hebraios un itak ne chiki kon reihei Abaddon ne ruwe ne, Herenes un itak ani aye chiki Aporrion ne ruwe ne.