Roukos 8:28 - Ashiri Aeuitaknup Iyohaichish Yona 1897

²⁸ Nei guru Yesu nukara chiki hawe ashte hine Shinuma kotchaketa hachiri wa oro mau soyoshma hine ene itak-hi :— Iyotta rikun Kamui Poho Yesu, E otta nep irenga ku an a? Iteki en panakte kuni ku koramkon na, ani itak.

Roukos 8:28 ပူးပေါင်းရင်းမြစ်များ

Mattaios 8:29

Orowa ingarʼan, nei utara hawe sange wa ene itak-hi :— Kamui Poho Yesu, un otta nep irenga an a? Naa etoko an aine teda ek wa un panakte shiri ruwe he an? sekoro itak.

Roukos 8:27

Awa, Shinuma ya ta yap chiki machiya orowa no ek nitne Kamui shikatkari shine ainu etunangara; nei guru ohon no imi shomoki no an, orowa, chisei otta riya shomoki wa tushiri otta an ruwe ne.

Roukos 8:29

Inambe gusu ne yakun, nei ainu orowa no ichakkere ramat oashin kuni ne Shinuma kashpaotte nisa ruwe ne gusu ne na. Kanna-kanna nei ramat anak ne nei ainu turen gusu, shinkop newa chikiri eok shinkop ani atupetupe wa aepungine yakka, nei nokbe tuye wa nitne kamui orowa no nup otta aomande nisa ruwe ne.

Yakob 2:19

Kamui shinep ne sekoro eani eishokoro ki; nei ambe pirika ne: nitnep ne yakka eishokoro wa tusushke ruwe ne.

II Petros 2:4

Inambe gusu ne yakun, Kamui anak ne katpak ki hauturumbe honnere shomoki koroka, akoipishi kuni gusu ashikkasmimare wa Tartaros otta an kunne shui orun okeuba chiki,

I Yoannes 3:8

oupekap ne ruwe ne; katpak ki guru anak ne nitnep orowa no an ambe ne; atpake wano nitnep anak katpak ki ruwe ne gusu ne na. Tambe gusu, Kamui poho anukan ruwe ne, nitnep ki ikip isamka kuni gusu ne na.

Ekambakbe 20:10

Orowa, nei utara kokandama nitne kamui anak ne nei a abe newa iwau to oshike un aeyapkiri nisa, nei ushiketa nei a chikoikip newa shunge uweingara guru ne yakka okai ruwe ne; awa, tokap to ta ne yakka, kunne to ta ne yakka ramma otusashuishiri pakno aiuninkare kusu ne na.