Roukos 8:15 - Ashiri Aeuitaknup Iyohaichish Yona 1897

¹⁵ Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Roukos 8:15 ပူးပေါင်းရင်းမြစ်များ

Iyohaichish 119:11

Kuani ika E epeka no wen-be ku ki kuni ne, E koro itak ku keutum ta eumashnu wa an na.

Iyohaichish 51:10

Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

Mattaios 24:13

Koroka, okese pakno yaishiporore gurʼanak ne kashi-a-obiuki kusu ne.

Roukos 11:28

Koroka, Shinuma ene itak-hi :— Ruwe un, Kamui itak nu wa shikkashima utara anak ne, nei utara anak makangane anunuke ne ruwe ne.

Roukos 6:45

Pirika ainu anak ne keutum ta okai pirika ikoro orowa no pirikap sange ruwe ne; wen ainu anak ne wen ikoro orowa no wenbe sange ruwe ne; inambe gusu ne yakun, keutura ta nuye an no an-i wano paroho anak ne itak ruwe ne.

Roukos 8:14

Orowa, ai-ush ni tumugeta hachiribe anak ne, nei utara anak itaknu utara ne, koroka, oman aige, shiknu gusu an nishomap ambe hene, ikorobe gusu hene, kanna moshiri ta an shiniwe gusu hene ateyepa wa ibehe epare shomoki ruwe ne.

Roukos 8:16

Orowa, ratchako uhuika orowa no nepka ani kamure hene ki, shotki choropoketa ande hene ki guru isama; koroka, chisei orun ahup utara nei pekere nukara kuni gusu set kashiketa ande ruwe ne.

Yoannes 14:15

Echi utara En omap yakun, Ku ki ikashpaotte echi shikkashima kusu ne.

Yoannes 15:10

Ku omap ambe oshiketa echi okai yan. Echi utara Ku ki ikashpaotte shikkashima chiki, Ku omap ambe oshiketa echi okai kusu ne; Kuani anak Ku Michi ki ikashpaotte Ku shikkashima wa Shinuma omap ambe oshiketa Ku an korachi ne ruwe ne.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 6:22

Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

Roma 7:18

Inambe gusu ne yakun, en onnaigeta, ku kam onnaigeta, shine pirikap poka shomo oshiroma ruwe ne sekoro ku eraman: ki rusui keutum ku koro, koroka, pirikap ki kuni ambe anak isam ruwe ne gusu ne na.

Roma 7:4

Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

Roma 8:25

Koroka, shomo nukarabe gusu chi utara chipachipa ash yakun yaiyupupu wa nei ambe koro kuni etere ruwe ne.

I Korintos 7:19

Okarituye-buri anak ne nepka shomo ne, shui, shomo okarituye-buri akire-hi ne yakka nep ka shomo ne; koroka, Kamui ikashpaotte shikkashima ambe anak ne nepka ne ruwe ne.

Epesos 2:8

inambe gusu ne yakun, irenga ani eishokor-i ankushkerai echi kashiaobiuki nisa ruwe ne; echi utara yaikota gusu an ambe shomo ne: koroka,

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

Korosai 1:6

nei ambe poka moshirʼebitta ta okai wa ibehe hetukure hine shipiraspa, aige, nei arabe echi nu wa son no ka un Kamui irenga echi eraman toho wano echi otta ne yakka korachi ne;

Hebraios 10:36

Inambe gusu ne yakun, yaiyupupu ambe anak echi koro kunip ne, Kamui irenga echi ki okere chiki, nei eitakamkirep koro kuni gusu ne na.

Hebraios 2:1

Tambe gusu chi utara anak ne anu okere orushpe gusu naa irammakaka ikokanu kunip ne, ikineipeka chi mom wa ehaita ruwe ne kusu ne na.

Yakob 1:4

Orowa, echi utara aeramushinne newa ranme no okai wa nep ne yakka otta shomo eikohaye kuni gusu yaiyupupu ambe ara monraigere yan.

I Yoannes 2:3

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.