Roukos 8:13 - Ashiri Aeuitaknup Iyohaichish Yona 1897

¹³ Orowa, watara kata okaibe anak ne itak nu chiki yaikopuntek wa nei itak koro; orowa, tan utara shinrit sak wa irukai tomta eishokoro, orowa, akoramnukara ita anak ne yaikoemaka ruwe ne.

Roukos 8:13 ပူးပေါင်းရင်းမြစ်များ

Markos 6:20

inambe gusu ne yakun, Herod anak Yoannes koishitoma, shinuma oupeka newa ashkanne guru ne sekoro eramʼan wa irammakaka shikkashima nisa ruwe ne gusu ne na. Orowa, shinuma nu chiki usa keutum utumashi ki: samata, yaikopuntek wa shinuma ye itak nu nisa ruwe ne na.

Roukos 8:12

Ru parurugeta okaibe anak ne nu utara ne; orowa, nitne kamui ek wa nei utara iteki eishokoro wa kashiaobiuki kuni ne keutura orowa no itak etaye ruwe ne.

Roukos 8:14

Orowa, ai-ush ni tumugeta hachiribe anak ne, nei utara anak itaknu utara ne, koroka, oman aige, shiknu gusu an nishomap ambe hene, ikorobe gusu hene, kanna moshiri ta an shiniwe gusu hene ateyepa wa ibehe epare shomoki ruwe ne.

Yoannes 15:2

En otta okai ibe o shomoki ni-tek, Shinuma obitta oyake un omande: orowa, obitta no okai ibe o ni-tek anak ne naa kasu no ibe o kuni gusu, Shinuma turusakte ruwe ne.

Yoannes 15:6

Ainu anak ne En oshiketa an shomo ne chiki, ni-tek korachi oyakta aosura wa shumumge ruwe ne: orowa, utara nei ambe eumashnu wa abe otta osura, aige, auhuyeka ruwe ne.

Yoannes 5:35

Shinuma anak ne paraparase nupeki atte ratchako ne: orowa, echi utara pon no uturuta nei pekere enupetne kuni konoburu nisa ruwe ne,

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 15:2

otta echi roshki, gusu ka echi kashiaobiuki ruwe ne, nekon a itak ani echi otta nei ambe eupaskuma ku ki-hi ani, raka isam no echi eishokoro shomoki no nei ap echi shikkashima chiki echi nure ash na.

Garatea 3:1

Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Garatea 3:4

Raka-isam no tap korachi poron no okaibe echi aramushitne ruwe he an? nei ambe son no raka-sakbe ne chiki.

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

Korosai 2:7

aepakashnu an korachi poka, iyaiiraige an keutura koro wa echi ki eishokor-i atte yan.

I Tessaronike 3:5

Tan ikkewehe an gusu kuani poka, naa yaishiporore eaikap chiki, echi iki eishokor-i eraman kuni ne ku teshkan nisa ruwe ne, nekon a poka ika nei a ikoranmukarape echi koramnukara, aige, chi utara iki monraige iteki raka-sak kuni gusu ne na.

I Timoteos 1:19

ku e ikashpaotte ash na; aotke-otke shomo ne an keutura ani korachi eishokor-i atte yan; sereke okai utara anak ne nei ambe epeka eyaikoemaka hine eishokor-i gusu mimam-awende okere ruwe ne:

Hebraios 10:39

Koroka, chi utara anak ne aisamka kuni-hi pakno yaishietaye utara shomo chi ne; aine, ramat epirikare gusu eishokor-i atte utara tura ikichi utara chi ne ruwe ne.

Yakob 2:26

Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.

II Petros 2:20

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

II Petros 2:22

Nei utara gusu nei son no an itak-maukushtep korachi an na:— Seta anak ne yaikota sange eatup orun hosari, afuraye okere matne buta anak yachi oshiketa yaikirukiru gusu hosari ruwe tapan na.

I Yoannes 2:19

Nei utara anak ne un orowa no soyumba, koroka un tura no okai utara shomo ne; inambe gusu ne yakun, nei utara anak ne un tura no okai utara ne ruwe ne a chiki, un tura no ramma okai kusu ne gusu ne na: koroka, nei utara un tura no okai utara shomo ne sekoro aeraman kuni gusu an okaibe ne ruwe ne na.

Youdas 1:12

Tan utara anak ne echi tura no marapto ki ita echi koro omap gusu an marapto oshiketa okai nuina no an watara ne, ishitoma shomo-ki yaiibere reshpa utara ne, rera pashte wakka sak nishkuru ne, ibe sak chukpa un chikuni, tu shui shumumge,