Roukos 8:1 - Ashiri Aeuitaknup Iyohaichish Yona 1897

¹ Nei i pon no okaketa Shinuma anak ne upaskuma hemhem ki, Kamui moshiri gusu an Pirika shongo nure hemhem ki wa machiya newa kotan newa kush wa arapa,

Roukos 8:1 ပူးပေါင်းရင်းမြစ်များ

Mattaios 11:1

Orowa, Yesu anak ne koro tun ikashima wa niu ne koikara utara kashpaotte okere chiki okai machiya otta upaskuma hemhem ki epakashnu hemhem ki kuni gusu nei kotan ekohopi wa oman nisa ruwe ne.

Mattaios 13:19

Nen ne yakka nei moshiri gusu an orushpe nu wa erampeutek chiki anak ne, wenbe ek wa nei guru keutum oshiketa aetoitap ehekem wa uk ruwe ne. Tambe anak ru paruru ta aetoita guru ne ruwe ne.

Mattaios 4:23

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Mattaios 9:35

Orowa, Yesu shiri ebitta machiya hene kotan hene okari oman wa uwekarapa chisei ta epakashnu, aige, moshiri gusu an pirika orushpe eupaskuma, samata, usa okai tashum ne yakka usa okai shiyeye ne yakka iwangere nisa ruwe ne.

Markos 1:39

Orowa, Gariraya moshirʼebitta kush wa koro Uwekarapa chisei orun ahun, aige, upaskuma hemhem ki, nitne kamui oashinge hemhem ki nisa ruwe ne na.

Roukos 1:80

Orowa, aiai shukup wa ramat tumashnu, orosama, Israeru un utara otta yainukare pakno kimta an nisa ruwe ne na.

Roukos 20:1

Nei rapoke un shine toho ta Shinuma Kamui kora kenru ta an wa utara epakashnu hemhem ki, pirika shongo eupaskuma hemhem ki ita, ekashi utara tura no Kamui kora kenru esapane utara hemhem,

Roukos 4:18

Utarapa kon Ramat en kashiketa an, Tambe gusu, otek-sak utara otta pirika shongo eupaskuma kuni ne en kashiota nisa ruwe ne gusu ne na: Ashikkashima wa okai utara otta apita katu hemhem, Shiknak utara otta pekere nukare katu hemhem ku nure, Piri-ao utara ku honnere,

Roukos 9:6

Orowa no, shinuma utara paye, aige, kotan akush wa Pirika shongo eupaskuma hemhem ki neita ne yakka tashum ki utara iwangere hemhem ki nisa ruwe ne na.

Apostoro ikip oma kambi 10:38

Shinuma anak ne Nazaret un Yesu ne, Kamui anak ne kiroro newa Ashkanne Ramat Shinuma kashiketa ota nisa ruwe ne: orowa, Shinuma pirikap iki wa apkash hine nitne kamui ashikatkare utara iwangere nisa ruwe ne; Kamui Shinuma tura no an ruwe ne gusu ne na.

Apostoro ikip oma kambi 13:32

Orowa, Kamui anak ne Yesu hetopo-shiknure gusu ekashi otta aki eitakamkire ambe chikoro po utara gusu Shinuma uweomare ruwe ne, sekorʼan pirika shongo echi nure ash na;

Roma 10:15

Orowa, shomo aeteshkara chiki, nekon a iki wa eupaskuma ki kusu ne ya? Anuye wa an ambe korachi poka ne :— Pirika okaibe gusu an pirika shongo koro wa araki utara koro chikiri nep iramasure humi!