Roukos 7:37 - Ashiri Aeuitaknup Iyohaichish Yona 1897

³⁷ Orowa, ingarʼan nei machiya otta chikokatpak an shine shiwentep an; aige, Shinuma anak ne Parisee un guru kot chisei ta a wa ibe koro an sekorʼorushpe nu chiki, shum o sei shintoko koro wa ek, awa,

Roukos 7:37 ပူးပေါင်းရင်းမြစ်များ

Mattaios 21:31

Tan tun ututta inan guru michi korʼirenga ki nisa ruwe he an? Nei utara :— Hoshiki an gunʼne, ari itak. Orota Yesu ene itak-hi :— Son no echi otta Ku ye, yaku-etaye utara newa ramupekere shiwentep utara anak ne echi etokota Kamui moshiri orun ahup ruwe ne.

Roukos 18:13

Koroka, nei yaku-etaye guru anak ehangeko no an wa ash hine kando orun ka koro shikihi hepuni poka shomoki, koroka, koro penram shirikik wa ene itak-hi :— Kamui, chikokatpak guru ku ne gusu imommuye kara wa en kore, ani itak.

Roukos 19:7

Orowa, utara anak ne nei ambe nukara chiki obitta oromam wa ene itak-hi :— Shinuma chikokatpak guru kot chisei ta reushi gusu oman ruwe ne.

Roukos 5:30

Aige, Parisee un utara newa koro kambi-nuye utara anak ne Shinuma koikara utara otta oromam wa ene itak-hi :— Hemanda gusu echi utara anak ne Yaku-etaye utara newa katpak koro utara tura ibe hemhem ki iku hemhem ki ya?

Roukos 5:32

Kuani anak ne oupeka utara yaikokatpakte gusu Ku ek ka shomoki, katpak koro utara yaikokatpakte kuni gusu Ku ek nisa ruwe ne na, ari itak.

Roukos 7:34

Ainu poho anak ne ibe hemhem ki, iku hemhem ki wa ek, awa, nei ibe-ashnu guru tonoto iku-ashnu guru chikokatpak koro utara newa yaku-etaye utara ikatairotke nimaraha ingara yan, ari echi ye.

Roukos 7:36

Orowa, shine Parisee un guru anak ne tura no ibe gusu kon rusui. Awa, Shinuma nei Parisee un guru kot chisei ta ahun wa ibe gusu a nisa ruwe ne.

Yoannes 11:2

Tashum ki Razaros anak ne Utarapa kata shum ota wa koro otop ani Shinuma koro chikiri piruba Maria koro ainu iriwak ne ruwe ne.

Yoannes 9:24

Tambe gusu, nei utara tu shuine nei shiknak guru hotuyekara wa otta ene itak-hi :— Kamui iramye yan: tan guru anak katpak koro guru ne sekoro chi eraman, ani itak.

Yoannes 9:31

Kamui anak ne katpak koro guru shomo nu sekorʼambe chi eramʼan: koroka, nen ne yakka Kamui kooripak, Shinuma korʼirenga ki guru an yak anak ne, Kamui nei guru nu ruwe ne.

Roma 5:8

Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

I Timoteos 1:15

Kiristo Yesu anak ne katpak koro utara kashiobiuki gusu moshirʼotta ek nisa ruwe ne ari an itak anak ne son no ambe ne, utara shikkashima kuni an itak ne ruwe ne na; nei utara tumuge ta iyotta wenbe ku ne ruwe ne!

I Timoteos 1:9

tambe ka chi eraman, tuitak anak ne oupeka utara gusu akarape shomo ne, koroka, ihaita keutura koro utara newa itakkashi utara gusu Kamui kooripak shomoki utara newa chikokatpak utara gusu, turu-ush utara newa momok utara gusu, michihi raige utara newa unuhu raige utara gusu, keweuk utara gusu,

I Petros 4:18

Orowa, oupeka guru anak ne hokamba no kashiaobiuki chiki, Kamui shomo kooripak utara newa katpak ki utara nei ita anukarape ne ruwe he