Roukos 7:33 - Ashiri Aeuitaknup Iyohaichish Yona 1897

³³ awa, echi chish shomoki nisa ruwe ne. Inambe gusu ne yakun, Baptisma kore Yoannes anak ne aep ibe shomoki, tonoto iku shomoki no ek, awa, shinuma nitne kamui shikatkari guru ne, ari echi ye.

Roukos 7:33 ပူးပေါင်းရင်းမြစ်များ

Mattaios 10:25

Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?

Mattaios 3:1

Nei toho ta Baptisma kore Yoannes anak ne Yudea moshirʼun nup otta ek wa upaskuma ki hine ene itak-hi :—

Mattaios 3:4

Yoannes yaikota koro raip anak ne Rakuda numaha ani akara amip ne, kut anak ne tonto kut ekut kon ruwe ne; aep anak omakirush newa kim un soyai ninge ne ruwe ne na.

Markos 1:6

Yoannes rakuda numaha eyaimire, tonto kut ekut koro, omakirush newa nup un soyai ninge ibe nisa ruwe ne.

Roukos 1:15

Orowa, shinuma anak ne Utarapa teksamata pase kusu ne, tonoto hene sikera hene iku shomoki, orosama, koro habo orowa hekatu wano Ashkanne Ramat ani aeshik kusu ne na.

Roukos 7:32

Ihok ushiketa rok wa utasa ukohotuyepa wa ene ye-hi nokan utara koheraye :— Chi utara anak ne echi gusu top rekte ash nisa ruwe ne, awa, echi tapkara shomoki; chi yaituwashkarap,

Roukos 7:34

Ainu poho anak ne ibe hemhem ki, iku hemhem ki wa ek, awa, nei ibe-ashnu guru tonoto iku-ashnu guru chikokatpak koro utara newa yaku-etaye utara ikatairotke nimaraha ingara yan, ari echi ye.

Yoannes 10:20

Shinuma anak ne nitne kamui shikatkare wa chiitasare an; Nep gusu Shinuma otta echi nu ya? ani an itak ani inne utara ye ruwe ne.

Yoannes 8:48

Yudea un utara ese wa Shinuma otta ene itak-hi :— Eani anak ne Samaria un guru ne, nitne kamui ituren guru E ne ruwe ne, ani shomo chi ye ya?

Yoannes 8:52

Orota Yudea un utara ene itak-hi :— Eani anak ne nitne kamui, ituren wa an sekoro tane chi eraman, Abraham hemhem uweingara utara hemhem rai wa isam; orowa, Ainu anak ne Ku ye itak shikkashima yakun, ramma pakno rai-i sapke shomoki, sekoro Eani itak.

Apostoro ikip oma kambi 2:13

utashpa ye nisa ruwe ne. Koroka, moshima okai utara anak ne eoya-itak wa ene hawe oka-hi :— Nei utara ashiri tonoto aeshik no okai ruwe ne na, ari itak nisa.