Roukos 7:16 - Ashiri Aeuitaknup Iyohaichish Yona 1897

¹⁶ awa, utara obitta ishitoma, aine, Kamui ko-oripak hine ene itak-hi :— Un otta poro uweingara guru hopuni wa an: Kamui anak ne koro utara ko-ingara ruwe ne, sekoro itak.

Roukos 7:16 ပူးပေါင်းရင်းမြစ်များ

Iyohaichish 65:9

Aokai anak ne moshiri ta ek wa teineika Nei ambe pirikare ruwe ne: Kamui pet anak ne wakka ani eshik; Aokai anak ne toitoi etokooiki chiki amam shipiras-pare ruwe ne gusu ne na.

Mattaios 15:31

awa, topaha utara anak ne nei shomo-itak utara itak hawe hemhem, yaiewen guru aiwangere wa okai katu hemhem, hera utara apkash katu hemhem, shiknak utara ingara katu hemhem nukara chiki Israeru un utara koro Kamui ko-iramye nisa ruwe ne na.

Mattaios 21:11

Tan guru nen ne ruwe he an? Tan guru anak nei Gariraya un Nazaret kotan wano ek Yesu ne ruwe ne, sekoro inne utara ye nisa ruwe ne.

Mattaios 28:8

Orowa no nei utara yaitunashka hine kimatek koro shi no yaikopuntek wa tushiri ekohopi wa koikara utara otta nure kuni ne paye nisa ruwe ne na.

Mattaios 9:8

Koroka, inne utara tap ambe nukara chiki ishitoma shiriki, orowa, tap korachi an mondum ainu otta koropare Kamui ko-oripak nisa ruwe ne na.

Roukos 1:65

Orowa no, shinuma utara pishkaniketa okai oshiroma utara ishitoma nisa ruwe ne; aige, tap orushpe obitta Yuda moshiri un huru shikapneka no assuru-a-ashte nisa ruwe ne.

Roukos 1:68

Israeru utara koro Kamui ne Utarapa anak ne anunuke ne; Koro utara ko-ingara, utara kikiraye nisa ruwe ne gusu ne na.

Roukos 19:44

samata, eani newa otta okai poho utara newa shiri pakno hokushte kusu ne toho eani gusu ek kusu ne; nei utara shine shuma ne yakta shuma ukata moshima no ande shomoki kusu ne; eani anak ne ahotanukara paki i erampeutek nisa ruwe ne gusu ne na, sekoro itak.

Roukos 2:20

shikkashima wa eyaikoshiramse ruwe ne. Orowa, orota aye korachi obitta nukara hemhem ki, nu hem-hem ki gusu, nei hitsuji chikoikip reshpa utara Kamui ko-oripak wa iramye koro hoshippa nisa ruwe ne.

Roukos 24:19

Orota, Shinuma anak ne, nep orushpe ne ya, ani itak. Orota nei utara ene itak-hi :— Kamui tek samata hemhem, obitta no okai utara tek samata hera hera, itak otta hene, ki okaibe otta hene eashkai uweingara guru ne, Nazaret un Yesu gusu an orushpe ne ruwe ne:

Roukos 5:26

Orowa no, nei utara obitta shi no enushkari wa Kamui ko-oripak ruwe ne; samata, earikinne ishitoma hine :— Tanto aehomatup chi nukan nisa ruwe ne na, ari itak.

Roukos 5:8

Tata otta, Simon Petros tap ambe nukara chiki Yesu koro kokka samaketa hepokiki wa ene itak-hi — Aa Utarapa, chikokatpak guru ku ne ruwe ne gusu, en orowa no oyakta oman wa en kore, sekoro itak.

Roukos 7:15

Orowa, Shinuma ene itak-hi :— Upen guru, e otta, hopuni, Ku ye, sekoro itak. Aige, rai guru hopuni hine a, orowa, itak heashire nisa ruwe ne. Orowa, koro habo otta shinuma akoropare nisa,

Roukos 7:39

Orowa, ibe guru Shinuma tak Parisee un guru nei ambe nukara chiki keutum oshiketa ye wa ene itak-hi :— Tan guru anak uweingara guru ne yakun, tane tomooshma shiwentep nekon a shiwentep ne ya? chikokatpak an gun ne ruwe ne, sekorʼambe eramʼan nangora.

Roukos 8:37

Orowa, Kerasene kotan okari un obitta no okai utara anak ne Shinuma oyake un oman kuni ekoramkoro; nei utara shiri ishitoma wa okai nisa ruwe ne gusu ne na; orowa, Shinuma chip orun ahun wa hoshipi nisa ruwe ne.

Roukos 9:19

Baptisma kore Yoannes ne ari ye utara okai; Ericha E ne ruwe ne ari ye utara ka okai; koroka, fushkotoita an uweingara guru shui hopuni ruwe ne ani ye utara ka okai ruwe ne, ari itak.

Yoannes 1:21

Orota nei utara ene uwepekennu-hi :— Yakun, nep ta? Ericha e ne ruwe he an? Shinuma, shomo, sekoro itak.

Yoannes 1:25

Yoannes otta nei utara nu wa ene itak-hi :— Eani anak ne Kiristo shomo ne, Ericha shomo ne, nei uweingara guru shomo e ne yak anak ne, nep gusu baptisma e kore ya? sekoro itak.

Yoannes 4:19

Orota nei shiwentep ene itakhi :— Nishpa, Aokai anak ne Uweingara guru E ne ruwe ne sekoro ku esanniyo.

Yoannes 6:14

Tambe gusu, Shinuma ki shirosh nei utara nukara chiki ene itak-hi :— Tambe anak ne son no newa moshiri otta ek kusu ne uweingara guru ne ruwe ne, ani itak.

Yoannes 9:17

Tambe gusu, shui nei utara anak ne nei shiknak guru otta ene itak-hi :— E koro shiki maka gusu Shinuma epeka no nekon a e ye ya, ari itak. Shinuma anak uweingara guru ne, ani nei guru ye nisa ruwe ne.

Apostoro ikip oma kambi 5:5

Orowa, Ananias anak ne nei itak nu chiki hachiri hine ramat arapare nisa: aine, obitta no okai nei orushpe nu utara shiri ishitoma nisa ruwe ne.

Apostoro ikip oma kambi 7:37

En korachi, echi koro iriwak utara tumuge wano echi utara gusu Kamui anak ne uweingara guru hetukure kusu ne, ari an itak ani Israeru utara otta ye Mose anak ne tan guru ne ruwe ne.

Garatea 1:24

sekorʼan assuru nu nisa ruwe ne; aige, en gusu nei utara Kamui ramye nisa ruwe tapan na.