Roukos 6:8 - Ashiri Aeuitaknup Iyohaichish Yona 1897

⁸ Koroka, Shinuma nei utara yainu i eramʼan: aige, teke shipeshte guru otta — Hopuni wa utara tumugeta ash yan — ani itak.

Roukos 6:8 ပူးပေါင်းရင်းမြစ်များ

Iyohaichish 44:21

Kamui anak ne nei ambe hunara shomoki ya? Shinuma anak ne keutum ta anuina wa an okaibe eraman ruwe ne gusu ne na.

Mattaios 9:4

Yesu nei utara yainu-hi eramu an wa ene itak-hi :— Hemanda gusu echi utara keutumu ta wen no echi yaikoshiramse ya?

Markos 3:3

Orowa, Shinuma teke shipeshte guru otta, — Utara tumugeta ash yan, ari itak.

Roukos 13:12

Yesu anak ne nei shiwentep nukara chiki hotuyekara wa otta ene itak-hi :— Shiwentep, e koro katchakbe apita ruwe ne, ari itak.

Roukos 5:22

Koroka, Yesu nei upaore ambe eramʼan wa orota ese wa ene itak-hi :— Nep gusu echi utara keutura ta upaore ki ya?

Roukos 6:9

Orowa no, shinuma hopuni wa ash ruwe ne. Utara orota Yesu ene itak-hi :— Orushpe Ku nu; — Shini toho ta pirikap ki hene, wenbe ki hene, ramat shiknure hene, ramat raige hene, inambe kara katu ikashpaotte uweomarepe ne ya?

Yoannes 2:25

ainu keutum uta an okaibe Shinuma yaikota eramʼan ruwe ne gusu ne na.

Yoannes 21:17

Re otutanu shui orota, — Yoannes poho Simon, aokai En omap ya? ari itak. Re shuine aokai En omap ya? ani an itak ani orota ye gusu, Petros anak ne oknatara ruwe ne. Awa, orota ene itak-hi :— Utarapa, Aokai anak ne nep ne yakka E eraman; Kuani E omap ash shiri Aokai eraman ruwe ne, ani itak. Orota, Ku hitsuji ibere yan, ani an itak ani Yesu itak.

Yoannes 9:4

Tokap-to an ita anak ne En omandep koro ikip chi ki kusu ne ap: nen ne yakka nep ki eaikap kunne-to ek kusu ne na.

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Apostoro ikip oma kambi 26:26

Aige, otta rametok-kon no ku ye Moshiri shikkashima guru tap okaibe eraman ruwe ne: shinuma gusu tap okaibe shinep ka anuina shomoki kunak ku eishokoro: inambe gusu ne yakun, tambe anak shikkiu otta aki ikip shomo ne ruwe ne gusu ne na.

Piripoi 1:28

orowa, echi ipokba utara gusu okai nep orushpe an yakka iteki ishitoma no okai yan: nei ambe anak ne, nei utara gusu an aisamka kuni anukara shiroshi ne, koroka, echi utara gusu Kamui orowa no an kashiobiuki-hi gusu an ap ne ruwe tapan na;

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

I Petros 4:1

Tambe Kiristo anak ne kam otta ayairamshitnere gusu, tambe gusu, echi utara ne yakka nei no an yainu-hi ani yaikota echi yaimutkare yan; inambe gusu ne yakun, kara otta ayairamshitnere guru anak ne katpak shiokere nisa ruwe ne na;

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.