Roukos 6:48 - Ashiri Aeuitaknup Iyohaichish Yona 1897

⁴⁸ Nei ainu anak ne chisei kara guru koheraye ruwe ne, ooho pakno ouri wa watara kata asama ande ruwe ne: orowa, pe san wa wakka chiu hine nei chisei epeka yakka moimoigere eaikap: pirika no akara chisei ne ruwe ne gusu ne na.

Roukos 6:48 ပူးပေါင်းရင်းမြစ်များ

Iyohaichish 32:6

Tambe gusu Aokai apa eashkai rapoketa Kamui ko-oripak utara pishno E orun inonno-itak kiro: Son no un, poro wakka ika ita anak ne nei guru pakno epa shomoki kusu ne.

Iyohaichish 62:2

Shinuma patek en kashiobiuki kuni watara ne: Ku goro ri chashi ne; maskin no ku moimoyege shomoki kusu ne na.

Iyohaichish 95:1

HETAK, araki wa Ehoba otta shinotcha ki: Un Kashiobiuki Watara otta nupetne hau ashtero.

Roukos 6:47

Nen ne yakka En orun ek hine Ku ye itak nu wa nei no ki guru anak ne, nekon a ambe ukoheraye ya ani an ambe echi epakashnu ash na:

Roukos 6:49

Koroka, nu wa nei no ki shomoki gurʼanak ne asamaha sak no toi kata chisei kara guru koheraye ruwe ne; nei chisei epeka wakka chiu wa nani teike; aige, nei chisei awende-i anak poro nisa ruwe ne na.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

Epesos 2:20

Apostoro newa uweingara utara kashiketa asama aande wa akarabe an utara echi ne, Kiristo Yesu yaikota nei sapane shikkeu nep ne ruwe ne;

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.

II Petros 1:10

Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

I Yoannes 2:28

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

Youdas 1:24

Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,