Roukos 6:42 - Ashiri Aeuitaknup Iyohaichish Yona 1897

⁴² Naa samata, yaikota shikihi oshiketa an umanki-ni e nukara shomoki, aige, nekon a koro iriwak otta — Ku iriwak, e koro shikihi otta an pana en oashingere yan — ani itak ya? Kankapkapeka guru, yaikota shiki otta an umanki-ni hoshiki no oashinge, orowa no, iriwak shikihi otta an pana oashinge kuni ne irammakaka nukara eashkai nangon na.

Roukos 6:42 ပူးပေါင်းရင်းမြစ်များ

Mattaios 26:75

Orowa, Petros anak ne niwatori chikap hau koro shomoki pakno, eani re shui ne En eshina kusu ne, sekoro Yesu ye itak an a-i eshkarun nisa ruwe ne. Aige, shinuma soine wa shi no chish nisa ruwe ne na.

Mattaios 7:3

Orowa, nep gusu yaikota koro shikihi oshiketa an umanki-ni shomo nukara wa, iriwak shikihi otta an pana numi esanniyo ya?

Mattaios 7:4

Samata, yaikota koro shikihi oshiketa umanki-ni an, aige, nekon ne wa koro iriwak otta, e koro shikihi oshiketa an pana numi en ukte yan, ani itak ya?

Roukos 13:15

Koroka, Utarapa anak ne nei guru otta ese wa ene itak-hi :— Kankapkapeka utara, Shini toho ta obitta no okai echi utara anak ne kitchi orota ashirikote wa okai koro beko hene, koro roba hene pita wa wakka an ushike un ani shomoki ya?

Roukos 22:32

koroka, e koro eishokor-i anak ne iteki nin kuni ne, eani gusu inonno-itak Ku ki nisa ruwe ne; orowa, eani anak ne kanna hoshipi wa an ita e koro ainu uiriwak tumashnure yan, sekoro itak.

Roukos 6:41

Orowa, nep gusu yaikota koro shikihi otta an umanki-ni nukara shomoki no e iriwak shikihi oshiketa an pana e esanniyo ya?

Roukos 6:43

Inambe gusu ne yakun, wen nikaop hetukure pirika chikuni isam; samata, pirika nikaop hetukure wen chikuni ka isam ruwe ne.

Apostoro ikip oma kambi 13:10

Obitta no okai irarape newa obitta no okai wenbe newa ani aeshik, nitne kamui koro poho, obitta no okai oupeka ambe epokba guru, Utarapa koro oupeka ruhu ohaitare kuni ambe shomo e okere kusu ne ya?

Apostoro ikip oma kambi 2:38

a chi ki yak pirika ya? — ari itak. Orota Petros ene itak-hi :— Yaikokatpak yan, orowa, koro katpak atusare gusu pishno pishno Yesu Kiristo kon reihei otta baptisma uina yan; yak anak ne Ashkanne Ramat ari an korarabe akore kusu ne na.

Apostoro ikip oma kambi 8:21

Tan orushpe gusu eani anak ne irenga newa moni isam, e koro sambe Kamui tek-samata oupeka shomo ne ruwe ne gusu ne na.

Roma 2:1

Tambe gusu, Ainu, Aokai gusu ne yakka inan koipishi ki guru gusu ne yakka obitta yayapapu ki eashkai ushike ka isam: inambe gusu ne yakun, aokai anak ne moshima guru koipishi chiki, yaikota katpak an sekoro yaiesanniyo ruwe ne; koipishi ki aokai anak ne nei okaibe ki ruwe ne gusu ne na.

II Korintos 5:18

Koroka, obitta no okaibe Kamui orowa no an ambe ne, awa, Shinuma anak ne Kiristo gusu yaikota epeka un eramuritenka, aige, nei aeramuritenka koeyaishi-eiwangere-hi un kore nisa ruwe ne na;

II Timoteos 2:21

Tambe gusu, ainu anak ne nei okaibe gusu yaituru-sakte chiki, shinuma anak aeoripakbe kuni gusu an op ne, ashkannep ne, kon Nishpa orowa no aeiwange kuni oupakbe ne, nep pirika ikip gusu aetokooiki kunip ne akara kusu ne na.

II Petros 1:9

shomo ibehe sak no echi kara an na Inam-be gusu ne yakun, tap okaibe sak guru anak ne shiknakbe ne, koro fushko katpak aashkannere-hi oira wa ouse ehange no an ambe nukan ruwe ne gusu ne na.