Roukos 6:25 - Ashiri Aeuitaknup Iyohaichish Yona 1897

²⁵ Tane akironnure wa an utara, echi utara, yaisambepokash humi! echi ibe-rusui ruwe ne kusu ne gusu ne na. Tane mina, echi utara, yaisambe-pokash humi! echi yaituwashkarap wa chish ruwe ne kusu ne gusu ne na.

Roukos 6:25 ပူးပေါင်းရင်းမြစ်များ

Iyohaichish 49:19

Te wa no shui shiripekere shomo nukara, Koro ekashi ikiri orota ek kusu ne na.

Roukos 12:20

Koroka, nei guru otta Kamui ene itak-hi :— Haita guru, tan ukuran e kon ramat auk kusu ne; orowa, eani etokooiki okaibe, hunna korobe ne kusu ne ya? ani itak.

Roukos 13:28

Abraham, Isaak, Yakob newa obitta no okai uweingara utara anak ne Kamui moshiri ta okai wa, echi utara yaikota soita asoyumbare shiri echi nukara chiki, nei ita chish ambe hemhem an, nimaki niyorokara hemhem an kusu ne na.

Roukos 6:24

Koroka, oteknu utara echi utara, yaisambepokash humi! aomaoma ambe echi koro okere ruwe ne gusu ne na.

Roukos 6:26

Utara obitta echi gusu pirikap ye ita anak ne echi yaisambepokash humi! nei utara koro ekashi anak ne shunge uweingara utara otta nei no ki nisa ruwe ne gusu ne na.

Roukos 8:53

Orowa, nei matne-po rai okere sekorʼambe utara eramʼan gusu Shinuma emina esapse nisa ruwe ne.

Epesos 5:4

samata, turu-ushbe hene, katchak itak hene, eoya-itak ambe hene, iteki porose yan, tap okaibe oupak no an ambe shomo ne ruwe ne: koroka, makangane ko-yaiiraige ki yan.

I Tessaronike 5:3

Itomo an, aeyaikikipbe isam, sekoro nei utara ye ita anak, nei ita po shikore shiwentep gusu ikoni an korachi, ekushkonna nei utara epeka isamka ambe hetuku kusu ne, aige, oara nei utara yaiohaitare shomoki kusu ne na.

Yakob 4:9

Yairamkoiki hene ki, yaituwashkarap hene ki, chish hene ki yan; echi mina ambe itasare wa yaituwashkarap ne kara, echi nupetne-hi itasare wa oknatara ambe ne kara yan.

Ekambakbe 3:17

ash kusu ne na. Yaikota anak ne oteknu ne, aeoteknu ambe Ku goro wa eishiramne ushike isam sekoro e ye gusu; samata, yairamkoiki ambe e ne, yaisambepokashbe e ne, irapokkari guru e ne, shiknak guru e ne, atusa guru e ne sekoro e erampeutek ruwe ne gusu: